BMTning ma’lumotiga ko‘ra, joriy yilning avgust oyidan boshlangan inqirozdan oqibatida yuzdan ortiq  Rohinya musulmon qochoqlari kema halokati va qayiq nosozligi oqibatida cho‘kib ketishgan.

 “Oxirgi omon yetib kelgan qochoqlarning so‘zlariga ko‘ra, ular bir oydan ko‘p muddat davomida Myanma sohilida juda ayanchli holda navbat kutishgan”, deydi BMTning qochoqlar agentligi mas’ul vakili Villiam Sprindler Jenevada o‘tkazilgan konferensiyada. “So‘ngi o‘n kun ichida Myanmadan Bangladeshga 30 ga yaqin eski yasama qayiqlarda 1000 dan ortiq Rohinya qochoqlari yetib kelishgan, deb qo‘shimcha qildi Janob Sprindler.

Dengizdan o‘tib olish uchun to‘lovga mablag‘lari yo‘qligi bois odamlar qo‘llariga ilingan narsalar, hatto, konserva va plastik idishlardan qayiq yasashmoqda. Bambuk yog‘ochlarining uchiga plastmassa bo‘laklarini bog‘lab eshkak sifatida foydalangan yo‘lovchilar amallab 3 kilometrlik masofani to‘rt soatda bosib o‘tishmoqda. Bugungi kunda Rohinya qochoq aholisining umumiy soni 833 mingdan ortdi.

[Suratda Bangladeshning Tenaf degan joyiga sog‘-omon yetib kelgan Rohinyalik musulmonlar aks etgan.]

Alisher SATTAROV

Xalqaro aloqalar bo‘limi