Bugun, 21 noyabr kuni Indoneziyada Xalqaro islomiy ta’lim ko‘rgazmasi Indoneziya ko‘rgazmalar markazida boshlangani xabar qilindi. Ushbu ko‘rgazma 24 noyabrga qadar davom etishi rejalashtirilgan.

Ushbu xalqaro ko‘rgazma Indoneziyaning Din ishlari bo‘yicha vazirligi tomonidan tao‘kil etilgan bo‘lib, 200 dan ortiq ta’lim muassasalari ishtirok etishi rejalashtirilgan.

Ushbu ko‘rgazmani tashkil etishdan maqsad esa islomiy ta’limni olish uchun eng maqbul joy bu Indoneziya ekanini ko‘rsatish ekani aytib o‘tildi. Bundan tashqari, Indoneziyani Islom sivilizatsiyasi markazi va Islomiy ta’lim markaziga aylanatrish vazirlikning oliy maqsadidir.

Bugungi kunda Indoneziyadagi Malang Islom Universitetida Islom fakultetida 29 mamlakatdan kelgan 400 dan ortiq talabalar ta’lim oladilar.

Ma’lumot uchun, Indoneziya jahondagi islom diniga e’tiqod qiluvchi aholi soni bo‘yicha birinchi o‘rinda turuvchi mamlakat hisoblanadi. 260 million aholining qariyb 88 foizi islom diniga e’tiqod qiladi. Indoneziyada islomiy ta’lim beruvchi muassasalar soni 100 mingdan ortiq, shundan 75 minggi madrasa, 28 minggi pizantri, 600 tasi oliy ta’lim muassasalaridir.