Sayt test holatida ishlamoqda!
28 Dekabr, 2024   |   27 Jumadul soni, 1446

Toshkent shahri
Tong
06:23
Quyosh
07:48
Peshin
12:30
Asr
15:20
Shom
17:04
Xufton
18:24
Bismillah
28 Dekabr, 2024, 27 Jumadul soni, 1446

Hindistonda ularning soni to‘rttaga yetdi

21.11.2017   5338   3 min.
Hindistonda ularning soni to‘rttaga yetdi

“Men uchuvchi bo‘lmoqchiman”. Kamtargina novvoyning qizining o‘n yil oldingi ana shu orzusi ro‘yobga chqishiga ko‘pchilik ishonmas edi.

Sayyida Salva Fotima havo yo‘llari kompaniyasida ish boshlash arafasida. U Hindistonda Tijoriy uchuvchi litsenziyasi berilgan to‘rtinchi muslima hisoblanadi.

Yangi Zelandiyadagi multi-yurgizgich (motor) va Bahrayndagi turli toifadagi samolyotlarni boshqarishga ruxsat beruvchi kurslarni tamomlagan haydarobodlik ayol “Airbus A320” rusumli samolyotni boshqarish uchun Fuqarolik aviatsiyasi bosh direktorining imzosini kutmoqda. 

Orzusi yo‘lida Salva xonim ko‘p qiyinchilik va to‘siqlarni yengib o‘tishiga to‘g‘ri keldi. Oddiy novvoyning qizi bo‘lgan yosh muslima uchuvchi Haydarobodning eski shahar qismidagi qashshoq Sulton Shahi mahallasida voyaga yetgan.

Bu hikoyaning diqqatga sazovor joyi shundaki, deydi http://muslimnews.co.uk nashri, undagi qahramonimiz qashshoqlikdan ilm ziyosi tomon tinmay intilgan va ana shu jarayonda o‘zligini, iymonini saqlab qola olgan.

 “Men doim ro‘molimni ish, o‘qish kiyimi bilan  birga o‘rab yurdim, bu masalada menga hech qanday to‘siq bo‘lmadi”, deydi Salva Fotima Hindistonning eng yirik yangilik resursi bo‘lgan IANS nashriga. Bahrayndagi Ko‘rfaz aviatsiya akademiyasi esa uning hijobdagi suratini o‘z jurnalida chop etdi.

“Qaysi sohada bo‘lmasin, aviatsiyami yoki boshqasi, sizga bilim va qobiliyatingiz yordam beradi. Qolgan gap bekor. Siz muayyan sohada belgilangan vazifani astoydil bajara olishingizni isbotlashingiz kerak. Men aviatsiya imtihonlaridan uch marotaba yiqildim, lekin har safar imtihondan o‘ta olmay tushkunlikka tushganimda, “mag‘lubiyat” muvaffaqiyatga bosilgan qadam ekanini eslatib turishdi”, deb hikoyasini davom ettiradi Salva Fotima.

 2013 yilda uchuvchilik qilishga berilgan dastlabki sertifikatni olganda, Salva Fotimaning katta samolyotlarni boshqarish uchun o‘qishga kirishga katta mablag‘i yo‘q edi. 24 yoshni qarshilagan Salva honimni uydagilari turmushga uzatishdi.  Ayollik vazifasini ado etsa, Alloh taolo, albatta, orzusini amalga oshirishiga ishonar edi. Taqdir qo‘p kuttirmadi. Salvaning qizalog‘i 4 oylik bo‘lganda, unga Telangana hukumati turli samolyotlarni boshqarishga ruxsat beruvchi sertifikatni olish uchun o‘qishga moliyaviy yordam ko‘rsatishini bildirdi. Mototsikl salonida ishlaydigan turmush o‘rtog‘ining qo‘lida sho‘xlik qilayotgan qiziga qarab Salva Fotima: “Qizim menga omad keltirdi”, deydi.

  O‘ziga o‘xshagan katta orzularga erishishni maqsad qilib olgan qizlarga qarata  Salva  honim bunday deydi:  “Maqsadni aniq qo‘ying va doim u haqda ijobiy fikrda bo‘ling. Maqsadingiz sizni oila va farzand ne’matidan to‘sib qo‘ymasin. Fidoiylik va tinmay qilingan g‘ayrat albatta orzuingizni amalga oshiradi”.

 Uchuvchi honim o‘zi yashaydigan jamiyatga xizmat qilishga bel bog‘lagan. Har oyligining bir qismini ta’lim olishga, davolanishga muxtoj va turmush qurish uchun mablag‘i bo‘lmaganlarga yordam tariqasida sarflamoqchi.

Alisher SATTOROV,

Xalqaro aloqalar bo‘limi xodimi

Dunyo yangiliklari
Boshqa maqolalar

Imom – so‘zi va amali uyg‘un inson

27.12.2024   2310   2 min.
Imom – so‘zi va amali uyg‘un inson

1. Diniy sohani tanlashingizga nimalar va kimlar turtki bergan?

– Diniy sohani tanlashimga padari buzrukvorim sababchi bo‘lgan. U kishi bizga yoshligimizdan qisqa suralarni yodlattirgan. Tumanimizdagi jome masjidlar imomlariga shogird tushdim. Maktabni tugatgach, Imom Buxoriy nomidagi Toshkent islom institutiga o‘qishga kirdim.
 

2. Bugungi imom qanday bo‘lishi kerak?

– Bugungi imom ilmli, odobli, muomalada, yurish-turishda barchaga ibrat va namuna bo‘lishi zarur. O‘z ustida tinimsiz ishlashi kerak. Shu bilan birga, yurtimizda diniy-ma’rifiy va boshqa sohalarda amalga oshirilayotgan islohotlardan xabardor va bu xayrli ishlarni xalqqa yetkaza oladigan bo‘lishi zarur.


3. Imom-xatib odamlar orasida xuddi yuzdagi xoldek bo‘lishi kerak. Shunday emasmi?

– Bugun xalqimiz ma’rifatini yuksaltirish, ­bid’at-xurofotlarga murosasiz bo‘lishda imomning o‘rni alohida. Imomning so‘zi va amali uyg‘un, ya’ni aytganiga o‘zi amal qiladigan bo‘lishi kerak. Shunda­gina u odamlar orasida xuddi yuzdagi xoldek bo‘ladi.


4. Bugun jamiyatimizda sizni qaysi jihatlar quvontiradi va tashvishga soladi?

– Yurtimizda diniy-ma’rifiy sohada amalga oshirilayotgan xayrli ishlar barcha qatori meni ham quvontiradi. Ayniqsa, Qur’on va tajvidni o‘rgatish kurslari faoliyati yo‘lga qo‘yilgani tahsinga sazovor.

Ayrim yoshlarning bilib-bilmay aqidasi buzuq turli g‘alamislar tuzog‘iga tushib qolayotgani dilni xufton qiladi.


5. Eng ko‘p o‘qiydigan kitoblaringiz? Diniy manbalardan tashqari qanday mavzulardagi kitoblarni mutolaa qilasiz?

– Shayx Muhammad Sodiq Muhammad Yusuf rahi­mahullohning “Tafsiri Hilol”, “Hadis va hayot”, “Ruhiy tarbiya” asarlarini qo‘ldan qo‘ymay mutolaa qilaman. Alixonto‘ra Sog‘uniyning “Turkiston qayg‘usi” kitobi, jadidchi bobolarimizning asarlari meni maftun etgan.


6. Tanlagan kasbingizdan ko‘nglingiz to‘lmagan paytlar ham bo‘lganmi?

– Kasbim – faxrim. Rasululloh sollallohu alayhi va sallamning meroslarini imkon qadar xalqqa yetkazayotganimdan behad baxtiyorman, alhamdulillah.


Ma’lumot o‘rnida, Shokirxon Imomiddinov 1979 yilda Toshkent viloyati Quyi Chirchiq tumanida tug‘ilgan. 1997–2001 yillarda Imom Buxoriy nomidagi Toshkent islom institutida ta’lim olgan. 2001 yildan beri Quyi Chirchiq tumani “Olmazor” jome masjidida imom-xatib hamda 2019 yildan buyon mazkur tuman bosh imomi bo‘lib ishlab kelmoqda. 

"Hidoyat" jurnalining 8-sonidan olingan

 

Imom – so‘zi va amali uyg‘un inson
Maqolalar