Bugun, 16 noyabr kuni Toshkent islom universitetida Vazirlar Mahkamasi huzuridagi Din ishlari qo‘mitasi va YUNЕSKOning Toshkentdagi vakolatxonasi tashabbusi bilan “Konfessiyalararo muloqot va diniy bag‘rikenglik – jamiyat barqarorligi garovi” mavzusida ilmiy-amaliy konferensiya o‘tkazilmoqda.

Ushbu anjuman “16 noyabr – Xalqaro bag‘rikenglik kuni”ga bag‘ishlab o‘tkazilayotgani aytilgan bo‘lib, unda Din ishlari qo‘mitasi vakili, O‘zbekiston musulmonlari idorasi raisi va boshqa diniy konfessiya vakillari ishtirok etmoqda.

Konferensiyada turli e’tiqod vakillarining ishtirok etishi O‘zbekiston Respublikasida diniy bag‘rikenglikning ta’minlanganidan darak beradi.

Anjumanda O‘zbekiston Respublikasining Inson huquqlari bo‘yicha Milliy markazi direktori Akmal Saidov, YUNЕSKOning O‘zbekistondagi vakolatxonasi rahbari Dendev Badarch, VM huzuridagi Din ishlari bo‘yicha qo‘mita raisi Ortiqbek Yusupov, O‘zbekiston musulmonlari idorasi raisi, muftiy Usmonxon Alimov, Vatikan davlatining O‘zbekistondagi nunsiysi Chelestino Milore, Toshkent rus provaslav cherkovi mitropoliti Vikentiylar ma’ruza bilan ishtirok etganlari ma’lum qilindi.

Anjuman tafsilotlari bilan tanishtirishda davom etamiz.