BAAning Sharja shahrida kitoblar namoyishiga bag‘ishlangan xalqaro ko‘rgazma bo‘lib o‘tmoqda. Bu yilgi ko‘rgazmada dunyoning 60 mamlakatidan 1650 ta nashriyot va matbaa korxonalari ishtirok etishmoqda. Ko‘rgazmada 1,5 milliondan ortiq kitob va risolalar namoyish etilmoqda. 

Yarmarkaning beshinchi pavilionida Qur’oni karimning eng qadimiy qo‘lyozmalari taqdim etilmoqda. Jumladan, Buyuk Britaniyaning Birmingem universitetida saqlanayotgan 1350 yillik Qur’oni karim qo‘lyozmasi ham namoyish etilmoqda.

Ma’lumot uchun, Britaniya qirolligining Birmingem universitetida Qur’oni Karimning qadimiy qo‘lyozma nusxasi topilgan edi. Ularning fikricha, ushbu qo‘lyozma Qur’oni Karim mus'hafining qadimiy nusxalaridan hisoblanadi.

Shuningdek, ushbu pavilionda interfaol sensorli ekranlar o‘rnatilgan bo‘lib, ular sayohatchiga qadimiy qo‘lyozmalar bo‘yicha ko‘plab ma’lumotlarni o‘rganishga imkon beradi.

Ushbu ko‘rgazma joriy yilning 11 noyabr kuniga qadar davom etadi.

Ilhom Ma’rupov

tayyorladi