Muborak Ramazon arafasida, ya’ni 24 fevral kuni Toshkent shahar Bektemir tumanidagi «Alibek» jome masjidida namunaviy sayyor yig‘ilish o‘tkazildi. 

Tadbirda O‘zbekiston musulmonlari idorasi raisi o‘rinbosari Zayniddin domla Eshonqulov, O‘zMI mas’ullari, Toshkent shahar bosh imom-xatibi Abduqahhor domla Yunusov, shahar vakilligi xodimlari, tuman bosh imom-xatibi va otinoyilari, shuningdek, otinoyilar, «Haj – 2024» ziyoratchilari, mahallalar raislari ishtirok etdi.

Yig‘ilishdan so‘ng Zayniddin domla boshchiliklarida masjid hovlisiga ko‘chatlar o‘tqazildi. 

So‘ngra mahallalarga chiqilib, muammoli beshtadan oila o‘rganildi.

Abduqahhor domla peshin namozini «Bektemir» jome masjidida ado etib, namozdan so‘ng mo‘min-musulmonlarga Ramazoni sharifga oz muddat qolganini, bu oyning fazilatlari va barakotlari haqida go‘zal mav’iza qilib berdilar. 

Xayrli ishlarning boshlanish debochasi bo‘lgan bu tadbir so‘ngida tuman imomlarining Ramazonga tayyorgarliklari, oilalar, mahallalar bilan ishlash borasidagi hisobotlari tinglandi.

Xayrli duolar bilan tashrif o‘z nihoyasiga yetdi. 

O‘zbekiston musulmonlari idorasi

Toshkent shahar vakilligi

Matbuot xizmati