Sayt test holatida ishlamoqda!
04 May, 2025   |   6 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:46
Quyosh
05:17
Peshin
12:25
Asr
17:18
Shom
19:27
Xufton
20:51
Bismillah
04 May, 2025, 6 Zulqa`da, 1446
Avvalgi sayt
#search
 YouTube

Toshkent islom instituti Maxsus sirtqi bo‘limiga qabul e’lon qilindi

30.09.2017   13186   1 min.
Toshkent islom instituti Maxsus sirtqi bo‘limiga qabul e’lon qilindi

Respublikamizda faoliyat yuritayotgan ikki mingdan ziyod masjidlarni oliy diniy ma’lumotga ega imom-xatiblar bilan ta’minlash maqsadida Imom Buxoriy nomidagi Toshkent islom institutida Maxsus sirtqi bo‘lim tashkil etildi.

Sirtqi bo‘limga O‘zbekiston musulmonlari idorasi tasarrufidagi o‘rta maxsus islom ta’lim muassasalarini tamomlagan, besh yil va undan ortiq muddat davomida O‘zbekiston musulmonlari idorasi tizimida masjidlarda imom-xatib vazifasida faoliyat olib borayotgan O‘zbekiston Respublikasining fuqarolari tanlov asosida qabul qilinadi.

 

Abituriyentlar Qabul hay’atiga quyidagi hujjatlarni taqdim etadi:

  1. Rektor nomiga ariza;
  2. O‘rta maxsus islom bilim yurtini tugatganligi haqidagi hujjat (diplom)ning asl nusxasi;
  3. 086-U-shakl bo‘yicha tibbiy ma’lumotnoma;
  4. Pasport nusxasi (asli ko‘rsatiladi);
  5. 6 dona rangli fotosurat (3,5 x 4,5 hajmdagi);
  6. Yashash joyidan ma’lumotnoma;
  7. Mehnat daftarchasidan belgilangan tartibda tasdiqlangan ko‘chirma;
  8. Abituriyent ishlab turgan hudud (Qoraqalpog‘iston Respublikasi, Toshkent shahar, viloyatlar) bo‘yicha O‘zbekiston musulmonlari idorasining vakilidan tavsiyanoma.

2017-2018 o‘quv yili uchun Maxsus sirtqi bo‘limga abituriyentlardan hujjatlarni qabul qilish 2017 yilning 2 oktyabridan 10 oktyabr kuniga qadar qabul qilinadi.

Abituriyentlar o‘rta maxsus islom bilim yurtlarining o‘quv dasturlari asosida fiqh, aqoid va arab tili fanlari bo‘yicha og‘zaki ijodiy imtihon topshiradi. O‘qish muddati 3 yil.

 

Murojaat uchun telefon raqamlari: 227-42-37, 240-03-58

 

O‘zbekiston musulmonlari idorasi axborot xizmati

O'zbekiston yangiliklari
Boshqa maqolalar
Maqolalar

Qabristondan joy sotib olish mumkinmi?

02.05.2025   3175   1 min.
Qabristondan joy sotib olish mumkinmi?

Savol: Hozirgi kunda ayrim odamlar qabristonlardan o‘zlari, oilasi uchun yer sotib olib, sag‘ana qildirib qo‘yishmoqda. Bu ishlari to‘g‘rimi?


Javob: Bismillahir Rohmanir Rohiym. Qabristonlar omma foydalanishi uchun hukumat tarafidan berilgan umumiy joy hisoblanadi, hech kimning shaxsiy mulki emas.

Shunga ko‘ra unga kimdir egalik qilishi, u joydan yer sotishi yoki sotib olishi mumkin emas. Bizdan avvalgi avlodlar, ota-bobolarimiz qabristondan biror narsani olishga, hatto qurigan giyoh olishdan ham cho‘chiganlar.

Hozirda ham ayrim odamlar qabristondagi meva va o‘t-o‘lanlardan foydalanish haqida ko‘p savol berishlari bejizga emas, ana shu hadikdan paydo bo‘lgan. Ammo ming afsuski, ayrim odamlar tomonidan kimlar bilandir til biriktirib, yer sotib olish holati oz bo‘lsa-da, paydo bo‘lmoqda. Bundan ehtiyot bo‘lish lozim. Chunki bu nohaqdan yer olish hisoblanadi. Bu haqda Payg‘ambarimiz Muhammad sollallohu alayhi vasallam qattiq ogohlantirib, bunday deganlar: “Kim bir qarich yerni nohaqdan olsa, qiyomat kuni uni yetti qavat yer yutadi”, deganlar (Imom Buxoriy rivoyati).

Sa’id ibn Zayd roziyallohu anhudan qilingan rivoyatda Rasululloh sollallohu alayhi vasallam: “Kim bir qarich yerni zulm ila olsa, qiyomat kuni uning bo‘yniga yetti qavat yer osib qo‘yiladi”, deganlar (Muttafaqun alayh).

Bu ishning qanchalik og‘ir ekanini tushunmagan odamlar turli vositalar bilan bir qarich bo‘lsa ham birovning yerini o‘ziga qo‘shib olishga harakat qiladilar. Islomda bu ish zulm hisoblanadi va katta gunoh sifatida qoralanadi. Vallohu a’lam.

O‘zbekiston musulmonlari idorasi
Fatvo markazi.

Maqolalar
#logo