Mukofoti ulug‘ – ezgu va xayrli ish
Istiqlol yillarida ulkan yutuqlarga erishildi. Rabbimiz ravnaqimizni bardavom qilsin. Bu yutuqlarning ikki asosiy sababi bor. Birinchisi, Alloh taoloning mamlakatimiz fuqarolariga berayotgan in’omi bo‘lsa, ikkinchisi: yurtimizda olib borilayotgan odilona va oqilona siyosatning samarasidir.
Davlatimiz rahbari tashabbusi ila yurtimizdan yetishib chiqqan olimlar, allomalar, fan arboblari, rassomlar va boshqa ma’rifatparvarlarning merosini o‘rganish, ular qo‘nim topgan qadamjolarni obodonlashtirish, xalqimizga ular haqida to‘laroq ma’lumot berish ishlari amalga oshirildi. Jumladan, azim poytaxtimiz Toshkent shahrida “Suzuk ota” jome masjidi va ziyoratgoh majmuasining qurilishi xalqimizga munosib tuhfadir.
Bugun Shayxontohur tumanidagi “Suzuk ota” jome masjidining birinchi g‘ishti qo‘yildi. Bu istiqololimizning 26 yillik bayrami arafasida xalqimizga ajoyib tuhfa bo‘ldi.
Alloh taolo Qur’oni karimning “Baqara” surasida: “Yaxshilikda musobaqalashinglar...” deb marhamat qilgan.
Payg‘ambarimiz Muhammad sollallohu alayhi vasallam ham hadislarining birida: “Insonlarning yaxshisi atrofidagilarga ko‘p manfaati, yordami tegib turganidir” deb ummatlarini doimo manfaatli, savobli ishlarni qilib o‘zgalarga ibrat va namuna bo‘lishga targ‘ib qilganlar.
Xulosa o‘rnida aytish joizki, Yurtimizdagi tinchlik va xotirjamlik ulug‘ ne’matlardan hisoblanadi. Ana shunday bebaho ne’matlarning davomli bo‘lishi uchun ularning shukrini qilishimiz, haqqini ado etishimiz talab etiladi.
Alloh taolo Qur’oni karimda: “Agar bandalar berilgan ne’matlarni qadriga yetsalar, shukrini qilsalar ne’matlarimni ziyoda qilib beraman. Agar berilgan ne’matlarni qadriga yetmasa, shukrini qilmasalar unday kishilarni alamlik azoblar tutadi” deb, har bir kishini, kim, qaysi sohada ishlashidan qat’i nazar Vatan xizmatiga kamarbasta bo‘lish uning uchun sharafli va mas’uliyatli burch ekanining xabarini bergan.
Ana shunday ezgu g‘oyalar va tavsiyalarga amal qilib hayot kechirayotgan kishilarimizning dunyo va oxiratdagi martabasi baland bo‘ladi, inshoalloh.
Yaratgan Rabbimiz yurtimizni tinch, osmonimizni musaffo aylasin, istiqlolimizning 26 yilligi va Qurbon hayiti bayramlarini elimizga muborak qilsin.
“Azzaman” gazetasi: Yangi O‘zbekistonda keng qamrovli islohotlar amalga oshirilmoqda
Iroqning “Azzaman” gazetasida “O‘zbekiston mustaqilligining o‘ttiz besh yilligi: Davlat barpo etishdan Uchinchi Renessans sari” nomli maqola e’lon qilindi, deb xabar bermoqda “Dunyo” AA.
Maqolada ta’kidlanishicha, O‘zbekistonning mustaqillik yillarida bosib o‘tgan taraqqiyot yo‘li, amalga oshirilgan keng ko‘lamli islohotlar hamda mamlakatning xalqaro maydondagi nufuzi tobora yuksalib bormoqda.
1991 yilda qo‘lga kiritilgan mustaqillik O‘zbekiston xalqi hayotida tarixiy burilish yasab, milliy davlatchilik asoslarini shakllantirish, iqtisodiy taraqqiyot poydevorini yaratish va ijtimoiy barqarorlikni ta’minlash jarayonini boshlab berdi.
2016 yildan boshlab Prezident Shavkat Mirziyoyev rahbarligida mamlakatda “Yangi O‘zbekiston” tamoyili asosida keng qamrovli islohotlar amalga oshirilmoqda. Ushbu jarayonda O‘zbekiston Markaziy Osiyoda izchil va muvozanatli rivojlanish yo‘lidan borayotgan davlat sifatida e’tirof etilmoqda.
Muallif O‘zbekistonda so‘nggi yillarda iqtisodiyotni liberallashtirish, investitsiyalarni jalb etish, savdo-iqtisodiy aloqalarni kengaytirish, infratuzilmani modernizatsiya qilish, raqamlashtirish va tadbirkorlik muhitini yaxshilash borasida amalga oshirilgan chora-tadbirlarga e’tibor qaratgan.
Maqolada aholini ijtimoiy himoya qilish tizimini takomillashtirish, ta’lim va sog‘liqni saqlash xizmatlari sifatini oshirish, yoshlar hamda xotin-qizlarning jamiyatdagi faolligini kuchaytirishga qaratilgan islohotlar haqida ham alohida fikr yuritilgan.
Nashrda Prezident Shavkat Mirziyoyev tomonidan ilgari surilgan “Uchinchi Renessans” g‘oyasi O‘zbekiston taraqqiyotining muhim strategik yo‘nalishlaridan biri sifatida baholangan. Unda Xorazmiy, Beruniy, Ibn Sino, Imom Buxoriy va Imom Termiziy kabi buyuk allomalar yetishib chiqqan yurt bugungi kunda ilm-fan, innovatsiya, texnologiya va inson kapitalini rivojlantirish orqali yangi uyg‘onish davrini yaratishga intilayotgani qayd etilgan.
Iroq matbuoti O‘zbekistonning islom sivilizatsiyasi tarixidagi o‘rniga ham to‘xtalib, mamlakatda boy ilmiy-ma’rifiy merosni o‘rganish va targ‘ib qilishga qaratilgan loyihalar amalga oshirilayotganini ta’kidlagan. Jumladan, Toshkent shahrida bunyod etilgan Islom sivilizatsiyasi markazi Movarounnahr allomalarining jahon tamadduniga qo‘shgan ulkan hissasini namoyish etuvchi muhim ilmiy-madaniy maskan sifatida qayd etilgan.
O‘zbekiston musulmonlari idorasi Matbuot xizmati
