Jazoirda yirik masjid
2017-yilning oxiriga kelib, Jazoirda kattaligi bo‘yicha Makka shahridagi Masjidul Xaram va Madina shahridagi Masjidun Nabaviydan keyingi o‘rinda turuvchi masjid ochiladi. Masjidning qurilishi va dizayni xitoylik quruvchilarga ishonib topshirilgan bo‘lib, ushbu yangi me’mory inshoot “Jazoir va Xitoy do‘stligining ramzi” sifatida ko‘rilmoqda.
Masjid qurilishini o‘z bo‘yniga olgan Xitoy kompaniyasi direktori Chjou Shenning so‘zlariga ko‘ra, masjid binosi loyihasi uzoq yillik vaqt sinovidan o‘tgan tajriba asosida loyihalashtirilgan.
Masjidning kompyuterdagi loyihasi
“Ushbu masjid nafaqat musulmonlarning namozi o‘qishi uchun balki islom va madaniyatlar o‘rtasida bog‘liqlikni mustahkamlashga ham xizmat qiladi. Bundan tashqari, binoda eng zamonaviy kutubxona, 300 ta talabalarga mo‘ljallangan madrasa va xayriya fondi ham joylashadi” - deya ma’lumot berib o‘tdi Jazoir Uy-joy va kommunal xizmatlar vaziri o‘rinbosari va masjid qurilishiga mas’ul bo‘lgan Ahmad Madaniy.
Saudiya matbuoti: O‘zbekiston madaniy-gumanitar, turizm sohalarida xalqaro hamkorlikni kengaytirmoqda
Saudiya Arabistonining nufuzli OAVda O‘zbekistonning madaniy-gumanitar, turizm va sport sohalaridagi xalqaro hamkorligi hamda mamlakatda bo‘lib o‘tadigan yirik tadbirlarga bag‘ishlangan tahliliy maqolalar e’lon qilindi, deb xabar bermoqda “Dunyo” AA muxbiri.
Xususan, Saudiya Arabistonining “Amwaj” nashrida joriy yilning 24–29 avgust kunlari Toshkentda “Islom sivilizatsiyasi: yangicha nigoh, yangi kashfiyotlar” mavzusida xalqaro mediaforum o‘tkazilishi keng yoritildi.
O‘zbekistondagi Islom sivilizatsiyasi markazida bo‘lib o‘tadigan ushbu yirik tadbirga yetakchi xorijiy jurnalistlar va xalqaro ekspertlar to‘planishi qayd etilgan. Forum dasturi yalpi majlislar, talabalar uchun mahorat darslari, mediaturlar va Samarqandning tarixiy obidalarini ziyorat qilishni o‘z ichiga oladi hamda O‘zbekiston davlat mustaqilligining 35 yilligini nishonlashga bag‘ishlanadi.
Shuningdek, nashrda Samarqandda O‘zbekiston Turizm qo‘mitasi tomonidan tashkil etilgan birinchi O‘zbekiston–Gruziya turizm forumi ham yoritilgan. Ta’kidlanishicha, tadbir O‘zbekiston Prezidenti Shavkat Mirziyoyevning Gruziyaga davlat tashrifi chog‘ida erishilgan kelishuvlarning amaliy ifodasi bo‘ldi.
Tomonlar qo‘shma sayyohlik mahsulotlarini yaratish, to‘g‘ridan to‘g‘ri aviaqatnovlarni kengaytirish va turizmning yangi turlarini rivojlantirish masalalarini muhokama qilgan. Gruziyadan kelayotgan sayyohlar oqimining sezilarli darajada oshgani va O‘zbekiston turizm sohasining umumiy ko‘rsatkichlari yuqori ekani qayd etilgan.
“Saudi Press Agency” axborot agentligi Jidda shahrida Saudiya Arabistoni Islom ishlari, da’vat va irshod vazirligi hamda O‘zbekiston Din ishlari bo‘yicha qo‘mitasi o‘rtasidagi Anglashuv memorandumiga doir ijro dasturi imzolangani haqida xabar berdi.
Ushbu hujjat mo‘tadillik tamoyillarini mustahkamlash, ekstremizmga qarshi kurashish, voiz va imomlar uchun o‘quv kurslarini tashkil etish, Qur’oni Karim ma’nolarini o‘rganish va yoyish sohasidagi hamkorlikni rivojlantirishga qaratilgan.
O‘zbekiston musulmonlari idorasi Matbuot xizmati
