Haj va umra qo‘llanmasi
Qo‘llanmada haj va umra ibodatiga taalluqli diniy masalalar bilan bir qatorda ushbu safar davomida guruh rahbarlari, hojilar va ziyoratchilar bilib olishi uchun zarur bo‘lgan tarixiy, iqtisodiy, fiqhiy masalalar bayon etilgan, qisqacha arabcha-o‘zbekcha so‘zlashuv ham berilgan. Kitob haj va umra safariga otlanayotgan yurtdoshlarimiz uchun yaxshi qo‘llanma va safar davomida ma’naviy hamroh vazifasini o‘taydi deb umid qilamiz.
Kitob muallifi: Jaloliddin Nuriddinov
Buxoroda Qur’on musobaqasi o‘tkazildi
O‘zbekiston Respublikasi Davlat mustaqilligining 35 yilligi munosabati bilan Buxoro viloyatida faoliyat olib borayotgan imom-xatib va imom-noiblar o‘rtasida “Qur’on tinchlikka buyuradi” shiori ostida Qur’on musobaqasi o‘tkazildi.
Ochilish marosimida Buxoro viloyati bosh imom-xatibi Jobir domla Elov so‘zga chiqib, mazkur ma’rifiy tadbirning ahamiyati haqida so‘zlab, ishtirokchilarga muvaffaqiyat tiladi.
Musobaqani o‘tkazishdan ko‘zlangan maqsad diniy soha xodimlarining Qur’oni karim bo‘yicha bilim va mahoratini yanada oshirish, ular o‘rtasida o‘zaro hamjihatlik muhitini shakllantirishdir.
Bellashuvda viloyatning tuman va shaharlarida faoliyat yuritayotgan 10 nafar imom-xatib va imom-noib ishtirok etib, Qur’oni karimni o‘qish va yoddan bilish borasidagi bilim va mahoratini namoyish etishdi.
Birinchi o‘ringa Peshku tumani “Chiqirchi” jome masjidi imom-noibi Afzal Shavkatov sazovor bo‘ldi. Ikkinchi o‘rin Buxoro shahridagi “Volidi Abdulazizxon” jome masjidi imom-noibi Abduvohid Akramovga, uchinchi o‘rin Jondor tumani “Raboto‘g‘lon” jome masjidi imom-xatibi Shuhrat Sherovga nasib etdi.
G‘oliblarga diplom va qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
