Sayt test holatida ishlamoqda!
24 Dekabr, 2024   |   23 Jumadul soni, 1446
search icon
Avvalgi sayt
ЎЗ РУ EN AR

Toshkent shahri
Tong
06:21
Quyosh
07:47
Peshin
12:28
Asr
15:18
Shom
17:02
Xufton
18:22
Bismillah
24 Dekabr, 2024, 23 Jumadul soni, 1446
Avvalgi sayt
#search
 YouTube

O‘zbekiston delegatsiyasi Ozarbayjonga yetib bordi

11.07.2017   6318   2 min.
O‘zbekiston delegatsiyasi Ozarbayjonga yetib bordi

Avval xabar berilganidek, Ozarbayjonga xizmat safariga jo‘nab ketgan O‘zbekiston delegatsiyasi Boku shahriga yetib bordi.

Boku xalqaro aeroportida vakillarimizni Ozarbayjon Respublikasi Din ishlari bo‘yicha qo‘mita raisi Qurbonali Muboriz va Kavkaz musulmonlari idorasi raisi, Shayx-ul-Islom Ollohshukur Poshshozoda kutib oldi.

Safar avvalida vakillarimiz Ozarbayjonning marhum Prezidenti Gaydar Aliyev qabrini ziyorat qildilar va uning xotirasiga Qur’on tilovat qilindi.

Shundan so‘ng, delegatsiyamizni Ozarbayjon Respublikasi Din ishlari bo‘yicha qo‘mitasi raisi Q.Muboriz qabul qildi. Uchrashuvda O.Yusupov samimiy qabul uchun minnatdorchilik bildirib, bu tashrif diniy sohada ikki tomonlama aloqalarni rivojlantirishga umid bildirdi.

Uchrashuvda Q.Muboriz so‘z olib, O.Yusupov va muftiy hazratlarini Ozarbayjonga tashrifi bilan yana bir bor qutladi. U so‘zida davom etib - O‘zbekiston qadim qadimdan ilm beshigi bo‘lgani, Ozarbayjonning ko‘plab ahli ilmlari, xususan, Ollohshukur Poshshozoda kabi allomalarning  O‘zbekistondagi diniy madrasalarda ilm olganini alohida ta’kidladi va O‘zbekistonda diniy sohalarda qilingan ishlar va amalga oshirilayotgan islohotlarni yuqori baholadi.

Q.Muboriz o‘z so‘zida davom etib, Ozarbayjon boshqa sohalarda bo‘lgani kabi diniy sohada ham O‘zbekiston bilan hamkorlik qilish tarafdori, xususan, dunyo hamjamiyatini tashvishga solib kelayotgan ekstremizm va terrorizmga qarshi kurashda ikki davlat o‘rtasidagi aloqalarni rivojlantirish muhim ahamiyatga ega ekanligini bildirdi.    

Uchrashuv so‘ngida tomonlar o‘zaro hamkorlik uchun minnatdorchilik izhor qilib, esdalik sovg‘alari almashdilar.

 

O‘zbekiston musulmonlari idorasi

Xalqaro aloqalar bo‘limi 

O'zbekiston yangiliklari
Boshqa maqolalar
Maqolalar

Umar uning foydasiga hukm chiqardi

23.12.2024   1113   2 min.
Umar uning foydasiga hukm chiqardi

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Imom Molik Sa’id ibn Musayyibdan rivoyat qiladi:

«Bir musulmon va bir yahudiy xusumatlashib, Umar roziyallohu anhuning huzuriga kelishdi. Yahudiy haq bo‘lib chiqdi. Umar uning foydasiga hukm chiqardi. Shunda yahudiy unga:

«Allohga qasamki, haq ila hukm chiqarding», dedi.

«Sen qayerdan bilding?» dedi Umar, uni darra ila urib.

«Biz Tavrotda: «Qaysi qozi haq ila hukm chiqarsa, albatta, o‘ng tomonida bitta, chap tomonida bitta farishta uni quvvatlab turadi. Modomiki, u haqda ekan, ishini to‘g‘rilab ham turadilar. Qachon haqni tark qilsa, ular ham uni tark qilib, ko‘tariladilar», deyilganligini topamiz», dedi».

Umar ibn Xattob roziyallohu anhuning ilohiy adolat ummonidan suv ichgan adolatlarini ko‘rgandan keyin, undan bahramand bo‘lgandan keyin yahudiy ham erib ketib, musulmonlar xalifasini alqashga o‘tgan. U yahudiylarning boshqalardan berkitib yuradigan kitoblari, ya’ni Tavrotdagi haqiqatni Umar ibn Xattob roziyallohu anhuning hukmida ko‘rganligini e’tirof etgan.

Ha, hazrati Umar roziyallohu anhuning Islom jamiyati rahbari sifatida olib borgan ishlariga butun dunyo qoyil qolgan va haligacha qoyil qolib kelmoqda.

Umar ibn Xattob roziyallohu anhu bunga o‘xshash adolatli ishlarni tashviqot uchun qilmas edilar. Balki buni vazifa, Alloh taolo oldidagi burch, deb his etganlaridan qilar edilar. Kim bo‘lishidan qat’i nazar, har bir odam u kishi uchun Alloh taolo nozil qilgan shariat hukmi oldida barobar edi. Musulmonmi, zimmiymi yoki bosh­qami, hazrati Umar uchun baribir edi. Haq kim tarafda bo‘lsa, hukm o‘shaning foydasiga chiqarilar edi.

«Hadis va hayot» kitobining 23-juzidan olindi

Maqolalar
#logo