Makkada kuchli yomg'ir yog'di
Shu kunlarda Masjidul Harom va Payg'ambarimiz Muhammad sallollohu alayhi va sallam masjidi ishlari bo'yicha Bosh rahbariyat davlat idoralari bilan hamkorlikda Baytulloh ziyoratchilarining xavfsizligi va salomatligini ta'minlash maqsadida favquloddagi rejalarini faollashtirdi. Unda Harom masjidi hududida kuchli yomg'irlar keltirib chiqaradigan turli noxushliklarni oldini olish va ziyoratchilarga qulay sharoitlar tashkil etish o'rin olgan.
Buning uchun Baytulloh xizmatlari va atrof-muhitni muhofaza qilish idorasi vakillari Masjidul Haromda kuchli yomg'irli vaziyatlarni bartaraf etish va muammoga yo'l qo'ymaslik maqsadida 200 dan ortiq nazoratchi va kuzatuvchi, 4000 nafar erkak va ayol ishchi hamda 500 dan ortiq texnikani jalb qildi.
10 aprel' kuni Makkadagi ziyoratchilar kuchli yomg'ir ostida qolishdi. Ka'bani tavof qilish vaqtida Makkada yomg'ir yog'a boshladi va ziyoratchilar suv oqimlari ostida ziyoratgoh atrofini aylanib chiqishda davom etdi, deb yozadi “Islam news” matbuoti “al-Arabiya” telekanali xabariga tayanib. Ko'pchilik ziyoratchilar bu paytda aytiladigan maxsus yomg'ir duolarini o'qishdi.
Bu paytda xavfsizlik va birinchi tibbiy yordam xodimlari yomg'ir bilan bog'liq noqulayliklar oldini olish uchun chora ko'rishdi.
O'MI xodimi I.Ahmedov tayyorladi
Soha rahbarlari mahallalardagi targ‘ibot va obodonlashtirish ishlari bilan tanishdi
Mamlakatimizda mustaqillik bayramining 35 yilligi munosabati bilan “Mahallada obodlik va mehr-saxovat oyligi” hamda “Dolzarb 40 kunlik” tadbirlari doirasida hududlarda keng ko‘lamli targ‘ibot-tashviqot, obodonlashtirish, xayriya va mehr-oqibat ishlari amalga oshirilmoqda.
Mazkur jarayon bilan yaqindan tanishish maqsadida 4 avgust kuni O‘zbekiston Respublikasi Prezidentining diniy-ma’rifiy masalalar bo‘yicha maslahatchisi Muzaffar Komilov, Din ishlari bo‘yicha qo‘mita raisi Sodiq Toshboyev hamda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligidagi mutasaddilar Toshkent shahri Sergeli tumanidagi “No‘g‘ayqo‘rg‘on”, “Qumariq” va “Ittifoq” mahallalarida bo‘lishdi.
Tashrif davomida soha rahbarlari mahallalardagi ijtimoiy-ma’naviy muhitni yanada sog‘lomlashtirish, xayriya va saxovat ishlarini kengaytirish, obodonlashtirish hamda bunyodkorlik ishlarining borishi bilan tanishdi. Shuningdek, mahalliy hokimiyat vakillari, “mahalla yettiligi”, nuroniylar hamda diniy soha xodimlari ishtirokida ushbu yo‘nalishlarda amalga oshirilayotgan ishlar muhokama qilindi.
Mahallalarda o‘tkazilgan sayyor yig‘inlarda “Jaholatga qarshi ma’rifat bilan kurashish”, oilalarda totuvlikni mustahkamlash, yoshlarni ilm-ma’rifatga yo‘naltirish, ehtiyojmand oilalarni qo‘llab-quvvatlash, farzand tarbiyasi hamda aholi muammolarini hal etishda hamjihatlikni kuchaytirish masalalariga alohida e’tibor qaratildi.
Shu bilan birga, xonadonlar atrofi, ko‘chalar, ariqlar va qabristonlarni obod qilish, ularning ozodaligini ta’minlash bo‘yicha olib borilayotgan ishlar yuzasidan ham tegishli tavsiya va ko‘rsatmalar berildi.
Darhaqiqat, Prezidentimiz ta’kidlaganlaridek, amalga oshirilayotgan islohotlar samarasi, eng avvalo, mahallalar hayotida yaqqol namoyon bo‘lishi va aholi kayfiyatida o‘z aksini topishi lozim. Shu ma’noda, joriy yil yakunida mamlakatimiz bo‘ylab “Eng orasta xonadon”, “Eng fayzli hovli”, “Eng obod ko‘cha” va “Eng namunali mahalla” nominatsiyalari bo‘yicha g‘oliblarning aniqlanishi mazkur ezgu tashabbuslarning mantiqiy davomi bo‘ladi.
O‘zbekiston musulmonlari idorasi Matbuot xizmati
