Yangi masjidda tarovih namozi
Xabar qilinganidek, 2017 yil 31 may kuni Surxondaryo viloyati Sherobod tumanida joylashgan Iso at-Termiziy majmuasi tarkibida yangi “Imom Termiziy” jome masjidining ochilish marosimi bo‘lib o‘tgan edi. Ushbu masjidning ochilishini nafaqat Surxondaryo viloyati, balki, butun yurtimiz aholisi mamnuniyat bilan qabul qildi. Zero, mazkur ma’rifat maskanining ochilishi Muborak Ramazon oyida xalqimizga munosib tuhfa bo‘ldi.
Ramazon kunlarining rahmat kechalarida “Imom Termiziy” masjidiga tarovih namozini ado etish uchun yuzlab namozxon tashrif buyurmoqda.
“Imom Termiziy” jome masjidining ochilish marosimi va shu kunlarda ado etilatyogan tarovih namozi aks etgan fotolavhalardan quyida bahramand bo‘lasiz.
O‘zbekiston musulmonlari idasi
Masjidlar bo‘limi
Ozarbayjonda muftiylar anjumani boshlandi
Bugun, 14 sentyabr kuni Boku shahrida Turkiy davlatlar muftiylari kengashining navbatdagi VII yig‘ilishi o‘z ishini boshladi.
Anjumanda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari, Kavkaz musulmonlari idorasi raisi, Shayxulislom Allohshukur Poshshozoda, Turkiya Diyonat ishlari boshqarmasi raisi Safi Arpagush, Qozog‘iston musulmonlari diniy boshqarmasi raisi, bosh muftiy Navro‘zbay hoji Tag‘anuli, Qirg‘iziston musulmonlari diniy nazorati raisi, muftiy Abdulaziz qori Zakirov hamda boshqa qardosh va xorijiy davlatlar ulamolaridan iborat nufuzli delegatsiyalar ishtirok etmoqda.
Yalpi majlisda nutq so‘zlagan muftiylar o‘z ma’ruzalarida quyidagi ustuvor yo‘nalishlarga alohida e’tibor qaratmoqdalar:
– Kengash qoshidagi Fatvo hay’ati faoliyatini rivojlantirish, ummat uchun zarur qo‘shma fatvolar ishlab chiqish va zamonaviy masalalarga shar’iy yechim topish;
– diniy ta’lim muassasalarida ustoz va talabalar almashinuvini yo‘lga qo‘yish, ilmiy-uslubiy loyihalarni amalga oshirish;
– ekstremizm, terrorizm, takfirchilik, islomofobiya va mazhablararo nizo qo‘zg‘ash kabi tahdidlarga qarshi yakdil ma’rifiy kurashni kuchaytirish.
Shuningdek, Ulamolar diniy-ma’rifiy sohadagi ana shunday hamkorlik butun Turkiy dunyo birdamligini mustahkamlashga xizmat qilishini ta’kidladilar.
Anjuman davom etmoqda.
O‘zbekiston musulmonlari idorasi Matbuot xizmati
