Zakotga doir fatvolar
1-FATVO
Boyligi shariat belgilab qo‘ygan ma’lum miqdorga, ya’ni nisobga yetgan musulmon kishi hijriy-qamariy bir yil o‘tishi bilan asliy hojatlaridan ortiqcha boyligining qirqdan bir qismini, ya’ni 2,5 foizini shar’an belgilangan joylarga berishi farzi ayndir. Nisob 85 gr oltin qiymatiga barobar mablag‘dir. Zakotni uzrsiz kechiktirib berish gunoh sanaladi. Zakotni ajratayotgan yoki berayotgan paytda niyat qilish shart. Demak, shu ajratgan yoki berayotgan narsam sadaqa yoki ehson emas, zakotdir, deb niyat qilinadi. Ammo yilning oxiriga kelib, shu bir yil mobaynida bergan sadaqalarimni zakot deb niyat qildim, desa, bu niyati o‘tmaydi. Butun boyligini sadaqa qilib yuborsa, niyat shart emas. Zakotga ham o‘taveradi.
«Olamgiriya», «Muxtasar».
2-FATVO
Faqir kishiga bergan qarzidan kechib yuborsa, o‘sha qarzda turgan boyligidan beradigan zakotidan qutuladi. Agar bir qismidan kechsa, o‘sha qismidan beradigan zakoti soqit bo‘ladi. Boy kishidagi qarzini unga hadya qilib yuborsa, uning zakoti soqit bo‘lmaydi.
«Olamgiriya», «Tabyin».
3-FATVO
Boy kishi faqir huzuriga borib falon odamga bergan qarzimni o‘zingga olgin, deb zakotni niyat qilsa, joizdir.
«Olamgiriya», «al-Bahrur-roiq».
4-FATVO
Miskinga pul berib, tilida hiba (hadya) yoki qarz deb aytib, dilida zakot deb niyat qilsa, zakotga o‘tadi.
«Olamgiriya», «al-Bahrur-roiq», «Qunya».
Diniy ta’lim muassasalariga kirish imtihoni ruxsatnomasini olish tartibi bilan tanishing!
O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga hujjat topshirgan abituriyentlar test sinovlarida ishtirok etish uchun ruxsatnomani @muslimqabulbot Telegram boti orqali yuklab olishlari mumkin.
Ruxsatnomani olish tartibi:
@muslimqabulbot Telegram botiga kiriladi;
Tegishli maydonlarga pasport yoki ID-karta seriyasi va raqami kiritiladi;
Tayyor bo‘lgan imtihon ruxsatnomasi yuklab olinadi.
Muhim eslatma:
Abituriyentlar test sinovlariga shaxsini tasdiqlovchi hujjat (pasport yoki ID-karta) hamda imtihon ruxsatnomasi bilan kelishlari shart. Ushbu hujjatlardan biri bo‘lmagan yoki belgilangan vaqtdan kechikkan abituriyentlar imtihonga kiritilmaydi.
Magistraturaga hujjat topshirganlar diqqatiga!
Imom Buxoriy nomidagi Toshkent islom instituti magistratura bosqichiga hujjat topshirgan va arab tili bo‘yicha tegishli sertifikatga ega abituriyentlar chet tili fanidan test sinovlaridan ozod etiladi. Ular faqat joriy yilning 11 avgust kuni o‘tkaziladigan ijodiy imtihonda ishtirok etadilar.
Qabul bo‘yicha rasmiy manba:
