Xodimlar bo‘limi
Bo‘lim mudiri: Abdumannon Usmonov
|
Qabul vaqtlari |
Dushanbadan Jumagacha |
|
Telefon raqami |
+99871 150-64-15 |
|
Elektron pochta |
umi_xodimlarbulimi@mail.ru |
Bo‘lim faoliyati:
Xodimlar bo‘limi idora raisi va yo‘nalish bo‘yicha rais o‘rinbosariga asosiy yordamchi sifatida kadrlar ishi hamda siyosatini yuritishga xizmat qiladi;
Idorada mehnat qonunchiligiga rioya etilishini ta’minlaydi va nazorat qiladi;
Har yil boshida xodimlarning yangi shtat jadvalini tuzilishini ta’minlaydi;
Idoraning xodimlar tarkibini shtat jadvaliga muvofiq malakali xodimlar bilan to‘ldirish yuzasidan idora rahbariyatiga takliflar beradi;
Xodimlar to‘g‘risida ma’lumotlarni yig‘ish, tahlil qilish va baho berish bilan shug‘ullanishni ta’minlaydi;
Idora tizimidagi shaxsiy tarkibga oid buyruqlar loyihasini tayyorlash, xodimlar bilan mehnat shartnomalari tuzish va tasdiqdan o‘tgach ijro uchun tegishli bo‘limlarga tarqatilishini nazorat qiladi;
Idora va uning tizimidagi masjidlar, bilim yurtlari, “Movarounnahr” nashriyoti hamda xududiy vakillik xodimlarining mehnat shartnomalari va ularga daxldor yig‘majildlarning to‘liq va to‘g‘ri yuritilishini ta’minlaydi;
Xodimlarning yillik mehnat ta’tiliga chiqish grafigi ishlab chiqilishi, muddati kelganda buyruqlar chiqarilishi va ularning ijrosini ta’minlaydi;
Xodimlarning xizmat safarlariga oid buyruqlar loyihasini tayyorlashni va tasdiqdan o‘tgach tegishli tashkiliy ishlarni amalga oshirilishini ta’minlaydi;
Idora “Jamoa shartnomasi”da belgilangan moddiy yordam va rag‘batlantirishlarning amalga oshirilishini ta’minlaydi;
Buyruqlarning sanasi, raqami va mazmunining elektron nusxasini kompyuter xotirasiga joylashtiradi;
Xodimlarning vaqtdan samarali foydalanmaslik, mehnat intizomini buzish sabablarini aniqlaydi va tegishli chora ko‘rish yuzasidan rahbariyatga bildirishnomalar taqdim etadi;
Xodimlarning mehnat intizomiga rioya etishlarini nazorat qilish ishlarini tashkil etadi;
Ta’lim va kadrlar tayyorlash hamda Masjidlar bilan ishlash bo‘limlari bilan hamkorlikda diniy ta’lim muassasalari bitiruvchilarining ish taqsimoti va ularni taqsimot bo‘yicha joylarda faoliyat olib borayotganligi haqidagi hisobotlarni o‘rganadi hamda tahlil qiladi;
Ta’lim va kadrlar tayyorlash hamda Masjidlar bilan ishlash bo‘limlari tomonidan ishga qabul qilish uchun taqdim etilgan nomzodlarning arizalari, hujjatlarini o‘rganadi va lozim bo‘lganda ular bilan suhbatlar o‘tkazadi;
Xodimlar bo‘limida saqlanayotgan mehnat daftarchalari, qo‘shimcha varaqalar, diplom nusxalari, xodimlar hisobi bo‘yicha shaxsiy varaqalarning qat’iy hisobini yuritish va xodimlar bo‘limining yumaloq muhri va xatlarni muhrlash uchun mo‘ljallangan burchak shtampini daxlsizligini ta’minlaydi;
Bayram, dam olish kunlari va boshqa favqulotda vaziyatlarda mas’ul xodimlarning navbatchiligini tashkil etadi;
Idora xodimlarini idoraning xizmat guvohnomalari bilan ta’minlanishini nazorat qiladi;
Idora xodimlarining mehnat muhofazasi talablariga to‘la rioya etishlari yuzasidan chora-tadbirlarni amalga oshirilishini ta’minlaydi;
Idora xodimlarining oylik ish tabelini tuzadi;
Idoraning arxiv hujjatlari bilan ishlashini nazorat qiladi.
Tizimda ishlayotgan xodimlar haqida so‘ralgan joylarga ma’lumotnomalar taqdim etadi;
Bo‘limga tegishli shikoyat arizalari va turli mavzulardagi xatlarni o‘rganadi hamda javob berilishini ta’minlaydi;
Sobiq xodimlarning shaxsiy hujjatlari saqlanadigan yig‘ma jildlarni ro‘yxatga olish, tartibga keltirish, saqlash, ularni kerakli yangi hujjatlar bilan to‘ldirilishini ta’minlaydi;
Kadrlar zahirasini aniqlash va shakllantirish masalalarini hal qiladi;
Bo‘limning yil davomida amalga oshirgan ishlari yuzasidan hisobot tayyorlanishini ta’minlaydi;
Mehnat qonunchiligiga asosan bo‘lim o‘z vakolatiga taalluqli boshqa vazifalarni bajaradi.
Idora ish rejasi asosida o‘zining ish rejasini ishlab chiqadi va ijrosini ta’minlaydi.
Bo‘limda:
Qosimova Zarifa Mahkamovna Xodimlar bo‘limi bosh mutaxassisi;
Yuldashev Sherzod Karimbek o‘g‘li Xodimlar bo‘limi mutaxassisi;
Xatamov Jahongir Ungarovich Xodimlar bo‘limi mutaxassisi;
Tarixni anglagan avlod — kelajakni bunyod etadi
Ilmga qiziqish, avvalo, manbaga murojaat qilishdan boshlanadi. Tarixni chuqur anglash esa uni kitob, qo‘lyozma va ishonchli ilmiy manbalar orqali o‘rganishni talab etadi. Yangi o‘quv yilini yangi bilim va katta maqsadlar bilan boshlagan Imom Buxoriy nomidagi Toshkent islom institutining 1 bosqich talabalari O‘zbekistondagi Islom sivilizatsiyasi markaziga tashrif buyurdilar, xabar bermoqda iccu.uz.
Talabalar tashrifni, dastlab Markazning kutubxonasi bilan tanishishdan boshladi.
Bu yerda ular ilmiy izlanish uchun muhim bo‘lgan adabiyotlar, tarixiy manbalar va turli yo‘nalishlardagi ilmiy nashrlar bilan tanishdi. Kutubxona nafaqat kitoblar jamlangan maskan, balki tadqiqotchi uchun zarur bo‘lgan bilim va manbalarni bir joyga jamlovchi muhim ilmiy-ma’rifiy makon sifatida namoyon bo‘ldi.
Ayniqsa, islom tarixi, madaniyati, ilm-fani va ajdodlarimizning ilmiy merosini o‘rganayotgan yoshlar uchun bunday muhitning ahamiyati katta. Chunki auditoriyada o‘rganilgan bilimni mustahkamlash, mavzu bo‘yicha qo‘shimcha ma’lumot izlash va ilmiy izlanish olib borishda manba bilan ishlash ko‘nikmasi muhim o‘rin tutadi.
Mazkur tashrif yoshlar uchun navbatdagi ekskursiya emas, balki tarix, ilm-fan va milliy o‘zlik bilan bevosita yuzma-yuz kelish imkonini bergan muhim ma’rifiy uchrashuv bo‘ldi.
Institutning bo‘lajak islomshunoslari Prezident Shavkat Mirziyoyev tashabbusi bilan bunyod etilgan Markazning boy ekspozitsiyalari orqali O‘zbekiston hududida qadimdan shakllangan sivilizatsiya jarayonlari, islom madaniyatining rivojlanishi, buyuk allomalarimizning ilmiy merosi hamda ajdodlarimizning jahon tamadduniga qo‘shgan beqiyos hissasi bilan yaqindan tanishdilar.
Markazning Islomdan avvalgi davr, Birinchi va Ikkinchi Renessans, ilm-fan va ma’rifat taraqqiyotiga bag‘ishlangan ekspozitsiyalari talabalar e’tiborini tortdi.
Tarixiy manbalar, noyob qo‘lyozmalar, qadimiy ashyolar va zamonaviy muzey texnologiyalari uyg‘unligi orqali namoyish etilgan ma’lumotlar yoshlarning o‘tmish haqidagi tasavvurlarini yanada boyitdi.
Bu yerda ular Muhammad Xorazmiy, Ahmad Farg‘oniy, Abu Ali ibn Sino, Abu Rayhon Beruniy, Imom Buxoriy, Imom Termiziy, Abu Mansur Moturidiy kabi buyuk ajdodlarimizning ilmiy va ma’naviy merosi bilan bog‘liq ma’lumotlarni ko‘zdan kechirdilar.
Ayniqsa, bir vaqtlar shu zaminlarda yaratilgan ilmiy kashfiyotlar bugungi zamonaviy fanlarning shakllanishida qanday ahamiyat kasb etgani talabalar uchun qiziqarli bo‘ldi.
Imom Buxoriy nomidagi Toshkent islom institutida tahsil olayotgan yoshlar uchun bunday maskanning ahamiyati, tabiiyki, yanada katta. Chunki ular o‘zlari o‘rganayotgan diniy-ilmiy merosning tarixiy ildizlarini nafaqat kitoblardan, balki Markaz ekspozitsiyalarida bevosita ko‘rish imkoniga ega bo‘ldilar.
Talabalarning fikricha, Markazdagi eng muhim jihatlardan biri — tarixning oddiy sanalar va voqealar ketma-ketligi sifatida emas, balki ilm-fan, tafakkur va insoniyat taraqqiyoti bilan bog‘liq yaxlit jarayon sifatida namoyish etilganidir.
“Bu yerda ajdodlarimizning ilm-fanga qo‘shgan hissasini ko‘rib, ular bilan faxrlanish tuyg‘usi yanada kuchaydi. Ayniqsa, islom dini rivoji bilan birga ilm-ma’rifat ham yuksalib borganini ko‘rish biz uchun juda katta taassurot qoldirdi”, — deydi institutning 1-bosqich talabalaridan biri.
Yoshlar Markazning kutubxona faoliyati bilan ham tanishdilar. Bu yerda jamlangan ilmiy adabiyotlar, tarixiy manbalar va tadqiqotlar bo‘lajak mutaxassislarning kelgusidagi ta’lim va ilmiy izlanishlari uchun muhim manba bo‘lishi ta’kidlandi.
Tashrif davomida talabalar uchun Markazning faqat tarixiy merosni namoyish etuvchi maskan emas, balki ilmiy izlanish, ma’rifat va zamonaviy tafakkur uyg‘unlashgan muhim platforma ekanligi yanada yaqqol namoyon bo‘ldi.
Talabalar Markaz bilan tanishish jarayonida o‘zlari tahsil olayotgan soha — islomshunoslikning qanchalik katta ilmiy meros va tarixiy mas’uliyat bilan bog‘liqligini ham chuqurroq his etdilar.
Shu ma’noda, yangi o‘quv yilining dastlabki kunlarida tashkil etilgan mazkur tashrif talabalar uchun yangi bilimlar sari tashlangan muhim qadam bo‘ldi.
O‘zbekistondagi Islom sivilizatsiyasi markazidagi ushbu ma’rifiy tashrif esa bo‘lajak islomshunoslar uchun yangi o‘quv yilini tarix saboqlari, ilmga qiziqish va katta maqsadlar bilan boshlashga xizmat qildi.
O‘zbekiston musulmonlari idorasi Matbuot xizmati
