Ta’lim va kadrlar tayyorlash bo‘limi
Bo‘lim mudiri: Jaloliddin Nuriddinov
|
Qabul vaqtlari |
Dushanbadan Jumagacha |
|
Telefon raqami |
+99871 240-17-98 |
|
Elektron pochta |
Bo‘lim O‘zbekiston musulmonlari idorasi tasarrufidagi Toshkent Islom instituti va o‘rta maxsus islom bilim yurtlarida ta’lim-tarbiya ishlarini tashkil etish va takomillashtirish, o‘quv yurtlarining moddiy-texnika bazasini mustahkamlash, talabalarni o‘qishga qabul qilish tartib-qoidalari va rejalarini ishlab chiqish, qabul hamda imtihon hay’atlari tarkibini tasdiqlash uchun tavsiya etish, diniy ta’limning yangicha shakl va uslublarini joriy qilish kabi masalalar bilan shug‘ullanadi. Mudarrislar malakasini muntazam oshirib borish, buning uchun maxsus kurslar tashkil etish, talabalarni darslik, o‘quv qo‘llanmalari va ko‘rgazmali qurollar bilan ta’minlash, diniy ta’lim bo‘yicha xalqaro tajribalarni o‘rganish, xorijlik hamkasblar bilan aloqalar o‘rnatish, tajriba almashish ham bo‘limning asosiy vazifalari sirasiga kiradi.
Istiqlol tufayli diniy ta’lim sohasini isloh qilish, rivojlantirish uchun keng imkoniyatlar ochildi. Ta’lim muassasalarida darslarni eng zamonaviy texnika vositalari va ko‘rgazmali qurollar yordamida o‘tkazish, talabalarning kompyuter savodxonligini oshirishga alohida e’tibor qaratilmoqda. Shu maqsadda barcha bilim yurtlarida kompyuterlar va boshqa zamonaviy kerakli vositalar bilan jihozlangan informatika asoslarini o‘rgatish xonalari, axborot-resurs markazlari ishlab turibdi.
O‘quv yurtlari kutubxonalarining zarur diniy, ilmiy, adabiy-ma’rifiy kitoblar, darslik va o‘quv qo‘llanmalari bilan ta’minlanishi doimiy nazoratga olingan. Hozir mazkur kutubxonalarning jami kitob zaxirasi 110 ming jilddan ortib ketdi, ularning 40 mingdan ziyodi diniy adabiyotlar, qolganlari dunyoviy va ilmiy-ma’rifiy nashrlar, qo‘llanmalardir.
Talabalarning har tomonlama yetuk insonlar bo‘lib yetishuvini ko‘zlab bilim yurtlarida yog‘och o‘ymakorligi, naqqoshlik, sahhoflik, duradgorlik, kompyuter operatori, hisobchilik, pazandalik, bichish-tikish, zardo‘zlik kabi hunarlarni o‘rgatish ham yo‘lga qo‘yilgan.
Qorilar musobaqasi, “Yil o‘qituvchisi”, “Yil kutubxonachisi”, “Mohir qo‘llar” ko‘rik-tanlovlari muntazam o‘tkazib kelinmoqda.
Idora tizimidagi ta’lim maskanlarida “Barkamol avlod” dasturi bo‘yicha sport musobaqalari o‘tkazish yaxshi an’anaga aylangan. Institut va bilim yurtlarida sportning shohmot, shashka, kurash, stol tennisi, futbol turlari bo‘yicha musobaqalar tashkil etilmoqda. Yakuniy bosqich “Jar” sport-sog‘lomlashtirish majmuida o‘tkazilib, g‘oliblar maxsus sovrinlar bilan taqdirlab boriladi. Shuningdek, o‘n yildan buyon ta’lim tizimida fanlar bo‘yicha yagona olimpiada o‘tkazishga alohida e’tibor berilmoqda. Bo‘limga hozir Jaloliddin Nuriddinov rahbarlik qiladi.
Bo‘limda
Do‘smatov Akbar Xidirovich-Ta’lim va kadrlar tayyorlash bo‘limi mudiri o‘rinbosari
Xodjayev Umidjon Rajabboyevich- Ta’lim va kadrlar tayyorlash bo‘limi yetakchi mutaxassisi
Abdurahimov Davronbek Muxamadaminovich- Ta’lim va kadrlar tayyorlash bo‘limi mutaxassislari faoliyat olib borishmoqda.
Bo‘lim faoliyatidan fotolavhalar:
Pol Kapur: «Bu yerda tarixni nafaqat ko‘rasiz, balki uni his qilasiz»
AQSH Davlat kotibining Janubiy va Markaziy Osiyo ishlari bo‘yicha yordamchisi Samir Pol Kapur O‘zbekistondagi Islom sivilizatsiyasi markaziga tashrif buyurdi, xabar bermoqda iccu.uz.
Islom sivilizatsiyasining ko‘p asrlik tarixi, uning ilm-fan, madaniyat va ma’rifat taraqqiyotiga qo‘shgan ulkan hissasi O‘zbekistondagi Islom sivilizatsiyasi markazi ekspozitsiyalarida yaxlit va ta’sirchan tarzda namoyon etilgan. Tashrif davomida Samir Pol Kapur islomgacha bo‘lgan davr sivilizatsiyalaridan tortib, Yangi O‘zbekiston davriga qadar bo‘lgan tarixiy jarayonlarni aks ettiruvchi galereyalar, buyuk allomalarning ilmiy-ma’rifiy merosi, noyob qo‘lyozmalar, muqaddas yodgorliklar hamda zamonaviy raqamli texnologiyalar asosida yaratilgan interaktiv ekspozitsiyalar bilan yaqindan tanishdi.
Mehmon ekspozitsiyalarning mazmunan izchilligi va tarixiy jarayonlarni bir-biri bilan uzviy bog‘liq holda namoyon etish usuliga alohida e’tibor qaratdi. Uning qayd etishicha, bu yerda muzey eksponatlari orqali o‘tmish haqida ma’lumot olish bilan cheklanib qolmay, tarixiy davrlar ruhini his qilish, ular o‘rtasidagi bog‘liqlikni anglash imkoni ham mavjud.
Samir Pol Kapur o‘z taassurotlarini quyidagicha ifodaladi:
«Bu muhtasham maskan. Islom tarixi va madaniyatining asrlar davomidagi taraqqiyoti bilan yaqindan tanishish men uchun unutilmas tajriba bo‘ldi. Bu yerda tarixni shunchaki kitob sahifalari orqali emas, balki o‘z ko‘zingiz bilan ko‘rasiz, uni his qilasiz va go‘yo o‘sha davrlarning ichida bo‘lasiz. Shu bois ushbu noyob maskanni barpo etishga hissa qo‘shgan barcha insonlarga samimiy minnatdorchilik bildiraman.
Yoshlarga ham bu yerga kelishni albatta tavsiya qilaman. Chunki bu maskan nafaqat tarixni o‘rganish, balki o‘tmish bilan kelajak o‘rtasidagi uzviy bog‘liqlikni anglash imkonini beradi. Men uchun eng esda qolarli lahzalardan biri Qur’oni karimga bag‘ishlangan golografik namoyish bo‘ldi. U menda katta taassurot va hayajon uyg‘otdi.
Menimcha, bu dargoh islom sivilizatsiyasining jahon tamadduniga qo‘shgan ulkan hissasini butun dunyoga namoyon etishga xizmat qiladi. Shuning uchun har bir inson bu yerga tashrif buyurib, ana shu boy va bebaho meros bilan shaxsan tanishishi lozim».
Pol Kapurning fikricha, Markazning ahamiyati uning tarixiy merosni namoyon etish bilangina cheklanmaydi. Ushbu maskan yosh avlod uchun o‘tmish saboqlarini anglash, ilm-fan va ma’rifatning sivilizatsiya taraqqiyotidagi o‘rnini his etish, milliy va umuminsoniy qadriyatlarga hurmat ruhini shakllantirish uchun ham muhim ma’naviy-ma’rifiy maydon vazifasini o‘taydi.
Tashrif yakunida AQSH Davlat kotibining Janubiy va Markaziy Osiyo ishlari bo‘yicha yordamchisi Samir Pol Kapur Islom sivilizatsiyasi markazidan olgan taassurotlari yuksak ekanini qayd etib, ushbu maskan boy tarixiy merosni zamonaviy muzey texnologiyalari va ta’sirchan taqdimot usullari orqali jahon jamoatchiligiga yetkazishda muhim ahamiyat kasb etishini ta’kidladi.
O‘zbekiston musulmonlari idorasi Matbuot xizmati
