Sayt test holatida ishlamoqda!
26 Iyun, 2025   |   1 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:06
Quyosh
04:51
Peshin
12:31
Asr
17:41
Shom
20:03
Xufton
21:42
Bismillah
26 Iyun, 2025, 1 Muharram, 1447
Avvalgi sayt
#search
 YouTube

Qulupnay mevasi onkologik kasalliklardan xalos eta oladi

02.05.2017   13084   2 min.
Qulupnay mevasi onkologik kasalliklardan xalos eta oladi

Qulupnay mevasi saraton kasalligini davolashda yordam beradi.

Mutaxassis olimlar tadqiqotlari kuniga bir piyola qulupnay iste’mol qilish  saraton xastaligining oldini oluvchi vosita ekanligini aniqlashdi. Bu meva hatto mazkur kasallikka chalinib ulgurgan kishilar uchun ham  foydalidir.
Klinik tadqiqotlar natijalari  kuniga 15 dona qulupnay mevasini iste’mol qilib yurish saraton xavfli kasalligidan himoya qilishini isbotladi.

Olimlar o‘tkazgan tadqiqotlari bu xavfli kasallikni orttirib olganlarda ham sinab ko‘rildi.

Besh hafta o‘tgach, bu xastalik shishlari tarqalishi va o‘sishi to‘xtab, hatto ular kichraygani ma’lum bo‘ldi.

Italiyaning Marche Polytechnic University  olimlari qator tadqiqotlari davomida (xususan, ayollar ko‘krak saratoni) shishlarning sezilarli kichrayganini qayd etishdi.

Avvalgi o‘tkazilgan tadqiqotlar kuniga 10-15 dona qulupnay iste’mol qilish qon tarkibidagi xolesterin miqdorini pasaytirishi hisobiga salomatlikni mustahkamlashini isbotladi.

Qulupnayda o‘simlikning fenol komponentlari ijobiy ta’sir ko‘rsatishga asos bo‘ladi.

Tajriba qulupnay mevasidan organizmda ajraladigan sharbat ta’sirida saraton hujayralari biologik o‘sish va tarqalish  jarayoniga chek qo‘yishini ko‘rsatdi.

Bu meva iste’mol qilinganida kishida kasallikning kuchayishiga sabab bo‘luvchi bir qancha genlar faolligi susaygan.

Qulupnay iste’mol qilish hammaga ham birdek to‘g‘ri kelavermaydi. Bu birinchi navbatda oshqozon ichak tizimi faoliyatida xastaligi bor kishilarga, xususan, gastrit, oshqozon yarasi bor kishilarga taalluqlidir.  Qulupnay mevasida mavjud bo‘lgan katta miqdordagi meva kislotalari mazkur kasalliklar xurujiga sabab bo‘lib qolishi mumkin.

Pishiqchilik mavsumidan oldinroq mevani bozor rastalariga olib chiqish va katta foyda-daromad orttirish maqsadida ayrim qulupnay yetishtiruvchilar inson salomatligi uchun xavfsiz bo‘lmagan agrotexnik usullar va vositalar (nitrat va gormonlar)ni qo‘llaydilar. Shuning uchun bozor rastalariga tabiiy pishiqchilik mavsumidan oldin barvaqt sotuvga chiqarilgan mevalar inson salomatligi uchun xavf-xatar manbai bo‘lib xizmat qiladi. Eng yaxshisi qulupnayni tabiiy pishiqchilik mavsumida o‘zi yetilib pishganida xarid qilib iste’mol qilish salomatlik uchun foydalidir.

Jaloliddin Nuriddinov

 

Tabobat
Boshqa maqolalar

O‘kinmang! Alloh doimo esingizda, tilingizda bo‘lsin!

23.06.2025   4144   2 min.
O‘kinmang! Alloh doimo esingizda, tilingizda bo‘lsin!

"...Ogoh bo‘ling, Allohni eslash bilan qalblar orom oladi" (Ra’d surasi, 28-oyat).

"Bas, Meni yod etingiz, (Men ham) sizlarni yod etaman..." (Baqara surasi, 152-oyat).

"...Allohni ko‘p eslovchi erkaklar va (Allohni ko‘p) eslovchi ayollar - ular uchun Alloh mag‘firat va ulug‘ mukofotni (ya’ni jannatni) tayyorlab qo‘ygandir" (Ahzob surasi, 35-oyat).

"...Ey imon keltirganlar! Alloh doim yodingizda bo‘lsin" (Ahzob surasi, 41-oyat).

"Ey imon keltirganlar! Na mol-dunyolaringiz va na farzandlaringiz sizlarni Allohning zikridan (Unga ibodat qilishdan) chalg‘itib qo‘ymasin!.." (Munofiqun surasi, 9-oyat).

"Biron narsa haqida: "Men, albatta, ertaga shuni qiluvchiman", deya ko‘rmang! Illo, "Inshaalloh (Alloh xohlasa)" (deng. Bu so‘zni) unutgan vaqtingizda (yodingizga kelishi bilan) Robbingizni zikr qiling (ya’ni, "inshaalloh", deng) va: "Shoyad, Robbim meni bundan ham yaqinroq To‘g‘ri yo‘lga hidoyat etsa", deng!" (Kahf surasi, 23-24-oyatlar).

"...(Tongda uyqudan) turgan paytingizda, Robbingizga hamd bilan tasbeh ayting! Shuningdek, tundan (ma’lum vaqt ajratib) va yulduzlar yuz o‘girgach (botgan, saharda) ham, Unga tasbeh ayting!" (Tur surasi, 48-49-oyatlar).

"Ey imon keltirganlar! Biron to‘daga to‘qnash kelsangiz, sabot (va matonat) bilan turingiz va Allohni ko‘p yod etingiz, shoyad (shunda) najot topsangiz!" (Anfol surasi, 45-oyat).

Sahih hadisda aytiladi: "Parvardigorini eslovchi bilan eslamaydigan odamning o‘xshashi huddi tirik bilan o‘lik kabidir".

Rasululloh sollallohu alayhi vassalam: "Yolg‘iz holda qolganlar o‘zib ketdilar", dedilar. Sahobalar: "Ular kimlar, ey Allohning elchisi", deb so‘rashdi. Shunda u zot: "Allohni ko‘p eslaydigan erkaklar va ko‘p eslamaydigan ayollardir", deb javob berdilar.

Rasululloh sollallohu alayhi vasallam sahobalariga: "Sizlarga amallardan eng afzalining xabarini beraymi? Bu amal Rabbingiz oldida eng pok, sizlar uchun oltin-kumushni infoq qilishdan ham yaxshiroq, dushmanga, yo‘liqib, g‘azot qilishdan ham afzalroqdir", dedilar. Sahobalar: "Ha, ayting, yo Allohning elchisi", deyishdi. U zot: "Bu (amal) Allohni eslashdir", deb javob berdilar.

Yana bir hadisda: "Bir kishi Rasululloh sollallohu alayhi vasallamning huzurlariga kelib: "Yo Allohning elchisi, Islom buyurgan amallar menga ko‘plik qilmoqda. Yoshim ham ulg‘ayib qoldi. Shuning uchun men mahkam ushlashim kerak bo‘lgan amalni ayting", dedi. Shunda u zot alayhissalom: "Tiling doim Allohning zikri bilan nam bo‘lsin", dedilar.

"O‘kinma" kitobidan