Sayt test holatida ishlamoqda!
04 Avgust, 2025   |   10 Safar, 1447

Toshkent shahri
Tong
03:49
Quyosh
05:21
Peshin
12:34
Asr
17:30
Shom
19:41
Xufton
21:05
Bismillah
04 Avgust, 2025, 10 Safar, 1447

“Qur’oni karim va sunnati nabaviya” bo‘yicha musobaqa bo‘lib o‘tmoqda

21.04.2017   6188   1 min.
“Qur’oni karim va sunnati nabaviya” bo‘yicha musobaqa bo‘lib o‘tmoqda

Shu yilning 20-30 aprel kunlari Birlashgan Arab Amirliklarining Sharja (ash-Shoriqa) shahridagi “Qosimiya” universiteti tomonidan “Qur’oni karim va sunnati nabaviya” muassasasi bilan hamkorlikda Qur’oni karim va sunnati nabaviya musobaqasi o‘tkaziladi.

Musobaqada Fors ko‘rfazida Hamkorlik kengashiga a’zo davlatlar, Saudiya Arabistoni Podshohligidagi “Al-Javf” universiteti, O‘mon sultonligidagi  “Sulton Qobus” universiteti va Kuvayt shahridagi “Al-Kuvayt” universiteti hamda BAAdagi 24 ta universitet talabalaridan iborat 300 dan ortiq qori yigit va qoriya qizlar ishtirok etmoqda.

Musobaqa quyidagi 5 yo‘nalishda o‘tkaziladi:

  1. Qur’oni karimning 30 porasini tajvid qoidasi bilan to‘liq yoddan o‘qish.
  2. Qur’oni karimning 20 porasini tajvid qoidasi bilan to‘liq yoddan o‘qish.
  3. Qur’oni karimning 10 porasini tajvid qoidasi bilan to‘liq yoddan o‘qish.
  4. Qur’oni karimning 5 porasini tajvid qoidasi bilan to‘liq yoddan o‘qish.
  5. Sunnati nabaviya yo‘nalishida hadisi shariflarni yoddan aytib berish.

G‘oliblar pul mukofotlari bilan taqdirlanadi. “Qosimiya” universiteti rektori Doktor Rashshod Solim musobaqaning dastlabki davrasi universitet talabalari ishtirokida, so‘ngra BAAdagi universitet talabalari, so‘nggi davralari esa BAA bilan Fors ko‘rfazidagi Hamkorlik kengashi davlatlaridagi oliygoh talabalari o‘rtasida bo‘lib o‘tishini ta’kidlab, musobaqani o‘tkazishdan talaba yoshlarni Qur’oni karim va hadisi shariflarni yodlashda musobaqalashishga qiziqtirish hamda  “Qosimiya” universiteti bilan boshqa arab davlatlaridagi universitetlar o‘rtasidagi o‘zaro hamkorlik munosabatlarini orttirish maqsad qilinganini ma’lum qildi.

Xalqaro aloqalar bo‘limi xodimi

Ilyosxon AHMЕDOV

tayyorladi

Dunyo yangiliklari
Boshqa maqolalar

Mustajob duolar: Robbim qalbimni toatingga yo‘naltir

01.08.2025   3958   1 min.
Mustajob duolar: Robbim qalbimni toatingga yo‘naltir

رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ

Robbanaa laa tuzig‘ qulubanaa ba’da iz' ha-daytanaa vahab lanaa milladunka rohmatan innaka antal vahhaab.

“Yo Rabbimiz, bizni hidoyat yo‘liga solganingdan keyin dillarimizni (to‘g‘ri yo‘ldan) og‘dirma va bizga huzuringdan rahmat ato et! Albatta, Sen Vahhob (barcha ne’matlarni tekin ato etuvchi) dirsan (Oli Imron surasi, 8-oyat).

Bu duoda inson hidoyat topganidan keyin ham kufrga og‘ib ketishi mumkinligidan ogohlantirilgan.


Payg‘ambarimiz Muhammad sollallohu alayhi vasallam ko‘p duo qilar edilar: “Ey qalblarni ag‘daruvchi Zot! Qalbimni O‘z diningda sobit qilib qo‘y!" va yana: “Ey qalblarni yurituvchi Zot! Qalbimizni O‘z itoating sari yo‘naltir!”.

Taqvodor mo‘minlar Allohning rahmatini “hadya” sifatida so‘raydi: “Rahmat faqat Sening inoyating, biz bunga haqli emasmiz”.

Ya’ni, qalbda iymon va ma’rifat nurini yoqadigan, oxiratda jannatga yetaklaydigan rahmatingdan benasib qoldirma!.

Barcha yaxshiliklarning haqiqiy manbai ham, ixlos beruvchi Zot ham Sensan.

Bandaning qalbi to‘g‘rilikda sobit qolishi, Allohning rahmatini so‘rashi va Uning hidoyati da bardavom bo‘lishi juda ahamiyatlidir. Bu duo mo‘minning Allohga bo‘lgan muhtojligi, muhab bati va umidini aks ettiradi. Duo bilan yashash esa qalbni pok, iymonni mustahkam qiladi.

Qur’oniy duolar qisqa, lekin ma’nolari juda keng qamrovlidir.

Ilyosxon AHMЕDOV
tayyorladi