Tishlardagi toshdan uy sharoitida forig‘ bo‘lish usuli
Biz barchamiz tishda paydo bo‘lgan tosh (kariyes)ni yomon ko‘ramiz. Tish doktoriga har doim ham borib davolanishga imkon topa olmaymiz.
Sizga bu yoqimsiz illatdan xalos bo‘lishning oddiy tabiiy retseptini tavsiya etamiz. Bu retsept tishlarni toshdan tozalab, ularning salomatligini ta’minlab, muammoni hal etishda yordam beradi. Tishdagi emalni shikast yetishdan saqlanmasa, ularda paydo bo‘lgan toshlar o‘z vaqtida tozalanmasa, periodontit deb ataladigan tishlar shamollashi kasalligi rivojlanishiga yo‘l ochilishi mumkin. Periodontit kasalligi bilan chalinganda infeksiya ildiz kanallaridan tishga o‘tib, tish qobig‘i va uni o‘rab turuvchi milklarning shamollashi kasalligi kelib chiqishiga sabab bo‘ladi. Xuddi shunday hollarda bu yoqimsiz kasallikning oldini olish va undan qutilishning oson tabiiy usuli bor.
Tishda paydo bo‘lgan toshdan qutilish yo‘li:
Buning uchun faqat quyidagilar kerak bo‘ladi:
- 40 g yong‘oq po‘chog‘i
- 1 stakan suv
- Yong‘oq po‘chog‘ini suvda 20 minut davomida past olovda qaynatiladi. Keyin olovdan olib, sovutilib, dokadan o‘tkaziladi.
- Tish cho‘tkasini 10 minut davomida yong‘oq po‘chog‘i qaynatmasida ivitiladi. So‘ng tish cho‘tkasi bilan tishlarni yaxshilab ishqalab tozalanadi.
- Bu usul kuniga 3 mahal tishlar toshdan musaffo bo‘lib, toza bo‘lgunigacha davom ettiriladi.
Ikki hafta davom ettirilgach, natija sizni quvontiradi.
Yong‘oq po‘chog‘i kuchli antibakterial vosita bo‘lib, u shuningdek, tish emalida ovqat qoldiqlari va keyinchalik toshga aylanadigan yoqimsiz moddalardan tozalashda qo‘l keladi. Bu usul shuningdek, milklari qonab turadigan kishilar uchun foydali, qon oqishiga sabab bo‘layotgan shamollash jarayonlari tezda barham topadi.
Manba headinsider
Jaloliddin Nuriddinov tayyorladi
6 aprel 2017 yil
“Uthaym” gazetasi: Madaniy merosni asrash Yangi O‘zbekiston taraqqiyotining muhim yo‘nalishiga aylangan
Shri-Lankaning “Uthaym” nashrida O‘zbekistonning boy tarixiy-madaniy merosi, uni asrab-avaylash va kelajak avlodlarga bezavol yetkazish borasida amalga oshirilayotgan ishlarga bag‘ishlangan maqola e’lon qilindi, deb xabar bermoqda “Dunyo” AA.
Materialda Yangi O‘zbekistonda milliy qadriyatlarni tiklash, madaniy meros obyektlarini muhofaza qilish, ilm-fan va ma’rifatni rivojlantirishga qaratilgan islohotlar yuksak baholangan.
Ta’kidlanganidek, so‘nggi yillarda O‘zbekistonda ma’naviy-ma’rifiy sohani tubdan takomillashtirish, xalqning ko‘p asrlik boy ilmiy-madaniy merosini o‘rganish hamda uni jahon hamjamiyatiga keng targ‘ib etish davlat siyosatining ustuvor yo‘nalishlaridan biriga aylandi.
Mamlakatda tarixiy obidalarni restavratsiya qilish, muzeylar va arxivlar faoliyatini modernizatsiya qilish, qo‘lyozmalarni asrab-avaylash va raqamlashtirish, milliy madaniy merosni xalqaro miqyosda targ‘ib qilishga qaratilgan tizimli ishlar amalga oshirilayotgani qayd etilgan.
Maqolada Prezident Shavkat Mirziyoyev tashabbusi bilan ilgari surilgan Uchinchi Renessans g‘oyasi mamlakat taraqqiyotining muhim strategik yo‘nalishi sifatida alohida e’tirof etilgan. Muallif fikricha, mazkur g‘oya nafaqat tarixiy merosni asrab-avaylash, balki ilm-fan, ta’lim, madaniyat va innovatsiyalarni uyg‘un rivojlantirish orqali mamlakatning intellektual va ma’naviy salohiyatini yuksaltirishga xizmat qilmoqda.
Uchinchi Renessans konsepsiyasi O‘zbekistonning buyuk ilmiy an’analarini qayta tiklash, yosh avlodni bilimli va vatanparvar etib tarbiyalash hamda mamlakatning xalqaro nufuzini yanada mustahkamlashga qaratilgan umummilliy dastur sifatida baholanmoqda.
Gazetaning yozishicha, O‘zbekistonda kechayotgan o‘zgarishlar faqat madaniy sohadagi islohotlar bilan cheklanmaydi. Ular mamlakatning ilmiy, ma’naviy va intellektual taraqqiyotini ta’minlashga qaratilgan uzoq muddatli strategiyaning ajralmas qismi hisoblanadi. Ilmiy muassasalar faoliyatini qo‘llab-quvvatlash, tarixiy manbalarni tadqiq etish, madaniy merosni muhofaza qilish va zamonaviy ta’lim tizimini rivojlantirish kabi yo‘nalishlar yagona maqsad — Yangi O‘zbekistonning mustahkam ma’naviy poydevorini yaratishga xizmat qilayotgani alohida qayd etilgan.
Maqolada Toshkent shahrida barpo etilgan O‘zbekiston Islom sivilizatsiyasi markazi faoliyatiga keng o‘rin ajratilgan.
Prezident Shavkat Mirziyoyev tashabbusi va g‘oyasi asosida barpo etilgan mazkur betakror majmua O‘zbekistonning madaniy va ilmiy siyosatidagi eng muhim istiqbolli loyihalardan biri bo‘ldi. Markazda VII asrga oid noyob Usmon Mus'hafi saqlanayotgani uning tarixiy ahamiyatini yanada oshiradi.
Shu bilan birga, bu yerda qo‘lyozmalarni ilmiy o‘rganish, restavratsiya qilish, arxiv materiallarini tizimlashtirish va zamonaviy texnologiyalar asosida raqamlashtirish uchun barcha zarur sharoitlar yaratilgan.
Gazetada O‘zbekistonning YUNЕSKO va boshqa xalqaro tashkilotlar bilan madaniy merosni muhofaza qilish sohasidagi hamkorligi, tarixiy obidalarni asrab-avaylash, ularni xalqaro turizm va ilmiy tadqiqotlar bilan uyg‘un rivojlantirishga qaratilgan sa’y-harakatlari haqida so‘z yuritilgan.
O‘zbekiston musulmonlari idorasi Matbuot xizmati
- «
- »