Fotima (roziyallohu anho) yashagan muborak uy
Fotimai Zahro (roziyallohu anho) Payg‘ambarimiz (sollallohu alayhi va sallam)ning jigargo‘shalari, sevikli qizlari, ahli jannatning sayyidalaridir.
Rasululloh (sollallohu alayhi va sallam): “Fotima mening bir bo‘lagim, kim uni yomon ko‘rsa, meni yomon ko‘ribdi”, deganlar (Imom Buxoriy, Imom Muslim).
Fotima onamiz (roziyallohu anho) 3 hijriy yili Hazrat Ali ibn Abu Tolibga (roziyallohu anhu) turmushga chiqadi. Payg‘ambarimiz (alayhissalom) vafotlaridan olti oy o‘tgach, 29 yoshlarida bu dunyodan ko‘z yumadi.
Quyidagi suratlar Fotima (roziyallohu anho)ning qanchalar kamtar, zohida, fozila ekanliklarini namoyon etadi.
Davron NURMUHAMMAD
tayyorladi
Namozda qo‘lni bog‘lash
Hanafiy mazhabimizga ko‘ra, takbiri tahrima bilan namozga kirishda o‘ng qo‘lni chap qo‘l ustiga qo‘yib, qo‘llarini bog‘laydi va kindik ostiga qo‘yadi. Bu amalni ulamolarimiz sunnat deganlar.
Alqama ibn Voil otalari Voil ibn Hujrdan rivoyat qiladi: “Nabiy sallallohu alayhi vasallam namozda o‘ng qo‘llarini chap qo‘llari ustiga qo‘yib, kindik ostiga qo‘yganlarini ko‘rdim”.
Abu Juhayfa roziyallohu anhudan rivoyat qilinadi, Ali roziyallohu anhu aytadilar: “Namozda qo‘lni qo‘lning ustiga qo‘yib, kindik ostiga qo‘yish – sunnatdir” (Imom Abu Dovud rivoyati).
@AhliSunnaValJamoaUz
