Saudiya Arabistoni Ikki Muqaddas Haram sharif boshqarmasi Horijiy tillar va tarjima bo'limi ziyoratchilar uchun Masjidul Haromning tarixi va buguni haqidagi ma'lumotlarni 50 tilda tanishtirish xizmatini taqdim etdi.
Bu haqda Saudiya Arabistoni Axborot Agentligiga (WAS) iqtibos keltirgan holda Tillar va tarjimalar bo'limi boshlig'i Ahmad bin Abdulaziz Al-Hamidiy ma'lum qildi.
Unga ko'ra, loyiha doirasida ziyoratchilar keng qamrovli ekskursiya davomida 50 tilda Masjid ul-Haromning muhim joylari va tarixiy obidalari bilan yaqindan tanishadi. Ushbu keng qamrovli sayohat Ka'badan boshlanib Masjidul Haromning barcha muhim joylariga tashrif buyurishni, jumladan, Ka'badagi Hajarul asvad – Qora toshni, Ruknu Yamaniy, Multazam, Maqomi Ibrohim alayhis salom va Zamzam qudug'ini ziyorat qilishni o'z ichiga oladi.
Bundan tashqari, ziyoratchilar Safo va Marvo kabi boshqa joylar hamda Masjidul Haromning uchinchi rivojlanish rejasi bilan ham tanishtiriladi.

O'MI xodimi I.Ahmedov tayyorladi.