RASULULLOHNING (alayhissalom) MUBORAK VASIYATLARI
O‘zbekiston musulmonlari idorasi raisi, muftiy Usmonxon Alimovning bir necha yillardan buyon xalqimizga taqdim etilayotgan “Rasulullohning (alayhissalom) muborak vasiyatlari” kitoblar silsilasidan ko‘pchilik bahramand bo‘ldi. Bu silsila shu vaqtgacha alohida-alohida chiqarilgani va ba’zi o‘quvchilarda hamma fasllari ham mavjud emasligi hisobga olinib, beshta juz’ini bir kitobga jamlab, qayta nashr etildi.
Ushbu kitobni o‘qib, muborak o‘gitlarga amal qilish har bir musulmonga nasib etsin.
Ma’naviy-ma’rifiy soha fidoyilari taqdirlandi
Vatanimiz mustaqilligining 35 yilligi munosabati bilan Surxondaryo viloyati Qumqo‘rg‘on tumanida diniy-ma’rifiy sohada samarali faoliyat yuritayotgan, jamiyatda sog‘lom ma’naviy muhitni mustahkamlash va yoshlarni yot g‘oyalardan asrash yo‘lida fidokorona mehnat qilayotgan bir guruh soha xodimlari taqdirlandi.
Tadbirda Qumqo‘rg‘on tumani hokimining birinchi o‘rinbosari Z.Eshqobilov ishtirok etib, yig‘ilganlarni qutlug‘ bayram bilan samimiy muborakbod etdi hamda ularning el-yurt osoyishtaligi va ma’naviy-ma’rifiy ishlar samaradorligini oshirishdagi xizmatlarini yuqori baholadi.
Marosimda fidoyi soha xodimlariga tuman hokimligining tashakkurnomalari va bayram esdalik sovg‘alari tantanali ravishda topshirildi.
O‘zbekiston musulmonlari idorasi
Matbuot xizmati
