Qur’oni karim tilovatida poklik
Bandalarini O‘zining muqaddas, mo‘jiz Kalomini o‘qishni o‘rganish baxtiga musharraf etgan Alloh taologa behad hamdu sanolar bo‘lsin.
O‘z ummatlariga: «Sizlarning eng yaxshilaringiz Qur’onni o‘rganib, uni boshqalarga o‘rgatganingizdir» deya, ularni ushbu Kalomi Rabboniyning ta’limiga targ‘ib qilgan va bunda o‘zi eng go‘zal namuna bo‘lgan Nabiyimiz Muhammad mustafoga Allohnig salotu salomlari bo‘lsin.
Alloh taolo: Albatta, u Qur’oni karimdirki, (u) yashirin Kitobda (Lavhul-mahfuzda) dir. Uni (Qur’onni) tahoratli kishilardan o‘zgalar ushlamaslar, degan. ( Voqia surasi 77-79).
عَنْ عَبْدِ الرَّحْمَنِ بْنِ يَزِيدَ قَالَ : كُنَّا مَعَ سَلْمَانَ فَخَرَجَ فَقَضَى حَاجَتَهُ ، ثُمَّ جَاءَ فَقُلْتُ : يَا أَبَا عَبْدِ اللَّهِ لَوْ تَوَضَّأْتَ لَعَلَّنَا أَنْ نَسْأَلَكَ عَنْ آيَاتٍ. قَالَ : إِنِّى لَسْتُ أَمَسُّهُ ، إِنَّمَا لاَ يَمَسُّهُ إِلاَّ الْمُطَهَّرُونَ. فَقَرَأَ عَلَيْنَا مَا شِئْنَا.
Abdurrahmon ibn Yazid hikoya qiladilar: Biz Salmom (roziyallohu anhu) bilan birga edik. U bizni yonimizdan turib, chiqib ketdi va hojatini qilib keldi. Men ey Abu Abdulloh tahorat qildingizmi? Biz Allohning kalomidan so‘ramoqchi edik dedim. U men Mus'hafni ushlamayman, uni poklanganlar ushlaydi dedi. Va bizga so‘ragan oyatlarimizni tilovat qildi.(Bayhaviy va Doraqutniy rivoyati).
قَالَ النَّبِىُّ صلى الله عليه وسلم لاَ يَمَسُّ الْقُرْآنَ إِلاَّ طَاهِرٌ
Rasululloh sollallohu alayhi vasallam: “Quronni faqatgina tahoratli kishigina ushlaydi”, deganlar .( Termiziy, Ibn Hibbon, Hokim va Sunani Dorimiy 447-hadis).
روي ابن عمر أن النبي صلى الله عليه وسلم كان ينهى الحائض والجنب عن قراءة القرآن
Ibn Umar roziyallohu anhu rivoyat qiladi:
Rasululloh sollallohu alayhi vasallam: “Xayz va junub holatdagi kishini Quronni tilovat qilishdan qaytargan”, edilar .( Mabsut Saraxsiy 3-juz 301-sahifa).
Qur’oni Karimni junub, hayz, nifos va tahoratsiz holdagilar ushlashi mumkin emas. Faqat Qur’oni karimning tashidan unga yopishmagan narsa ila ushlashlari joiz. Ular butun bir oyati karima yozilgan qog‘ozni ham ushlashlari durust emas.
Ba’zi ulamolar: balog‘atga yetmagan bolalar Qur’onni o‘rganayotgan vaqtlarida yengil tahoratsiz ushlashlarini joiz deganlar. Agar ta’lim beruvchi junub, hayz, nifos va tahoratsiz holda bo‘lsa, Ana shu holatlarda Kalomullohni ushlamasdan so‘zma-so‘z o‘qish ila ta’lim beradi.
Toshkent islom instituti 4-kurs talabasi
Tojiddinov Abdussomad Abdulbosit o‘g‘li
24–29 avgust kunlari Toshkentda “Islom sivilizatsiyasi: yangi nigoh, yangi kashfiyotlar” mavzusida xalqaro mediaforum bo‘lib o‘tadi
24–29 avgust kunlari O‘zbekiston poytaxtida “Islom sivilizatsiyasi: yangi nigoh, yangi kashfiyotlar” mavzusida xalqaro mediaforum o‘tkaziladi, deb xabar bermoqda “Dunyo” AA.
Tadbirning asosiy qismi O‘zbekistondagi Islom sivilizatsiyasi markazida o‘tkaziladi. Unda xorijiy ommaviy axborot vositalari vakillari, xalqaro ekspertlar va media sohasi mutaxassislari jam bo‘ladi.
Forum dasturidan tantanali ochilish marosimi, yalpi majlislar, mavzuga oid media-ko‘rgazmalar, matbuot anjumanlari va ikki tomonlama uchrashuvlar o‘rin olgan. Sho‘ba yig‘ilishlari doirasida hujjatli kino va tarixiy xotira, nashriyot loyihalari, zamonaviy texnologiyalar, shuningdek, media sohasidagi xalqaro loyihalarni rivojlantirish masalalari muhokama qilinadi.
Bundan tashqari, O‘zbekiston talabalari uchun jahon media sanoatining yetakchi mutaxassislari ishtirokida mahorat darslari tashkil etiladi. Ishtirokchilar zamonaviy jurnalistika, media mahsulotlar yaratish va xalqaro axborot makonida samarali faoliyat yuritish borasida tajriba almashadi.
27 avgust kuni forum qatnashchilari uchun Samarqand shahriga sayohat uyushtiriladi. Dastur doirasida mehmonlar Imom Buxoriy majmuasini ziyorat qiladi va shaharning tarixiy-madaniy merosi bilan tanishadi. Shuningdek, Toshkent shahrida xorijiy OAV vakillari uchun maxsus media-tur o‘tkazilishi rejalashtirilgan.
Forum 28 avgust kuni yakuniy yalpi majlis va tantanali yopilish marosimi bilan o‘z ishini yakunlaydi. Xorijlik mehmonlar, O‘zbekiston davlat mustaqilligining 35 yilligiga bag‘ishlangan tadbirlarda ham ishtirok etadi.
O‘zbekiston musulmonlari idorasi Matbuot xizmati
