Ipak matosidan tayyorlangan Qur’oni karim
Yaqinda Ozarbayjonda ajabtovur Qur’oni karim nusxasi namoyish etili.
Ajablanarlisi, uni tayyorlash uchun 50 metr tabiiy ipak sarflandi. Loyiha asoschisi rassom va naqqosh Tunzale Memmedzade bo‘lib, u bu jarayonda qora shaffof ipakdan foydalandi. Qur’oni karimning ipak matoli nusxasi tayyor bo‘lguncha roppa-rosa 3 yil mehnat qildi.
Tunzale Memmedzade Istanbuldagi Marmarin universiteti doktori bo‘lib, Ozarbayjon xalqi amaliy – dekorativ san’ati durdonasi bo‘lgan tambur (zanjir kashta) naqshlari ustida ilmiy izlanish ham olib bormoqda.
Xalqaro aloqalar bo‘limi mutaxassisi,
Mohira ZUFAROVA tayyorladi.
Ozarbayjonlik jurnalistlar Samarqanddagi Imom Buxoriy maqbarasini ziyorat qildi
"Report" xabariga ko‘ra, tashrif O‘zbekiston bo‘ylab media-tur doirasida bo‘lib o‘tdi.
Imom Buxoriy maqbarasi Samarqand viloyatidagi eng muhim ma’naviy va tarixiy obidalardan biridir.
Tashrif davomida Ozarbayjon ommaviy axborot vositalari vakillari Imom Buxoriy maqbarasi, masjid, muzey va kutubxona vazifasini bajaruvchi xonani o‘z ichiga olgan yodgorlik majmuasi hududi bilan tanishdi. Jurnalistlarga majmuaning yaratilish tarixi, Imom Buxoriy hayoti va ilmiy merosi, shuningdek, uning islom ilm-fanidagi alohida o‘rni haqida so‘zlab berildi.
Media-tur ishtirokchilari majmuaning muzey qismiga alohida e’tibor qaratdi. Bu yerda islom madaniyati va Imom Buxoriy merosiga oid qo‘lyozmalar va turli tarixiy materiallar taqdim etilgan. Shuningdek, muzeyda turli mamlakatlar vakillari tomonidan majmuaga sovg‘a qilingan Qur’oni karim nusxalari ham saqlanadi.
Ishtirokchilarga majmua turli mamlakatlardan kelgan dindorlar uchun ziyoratgoh va allomaning ma’naviy merosini asrab-avaylashning muhim markazi ekanligi haqida so‘zlab berildi. Jurnalistlar majmuaning me’moriy xususiyatlari va tashrif buyuruvchilar uchun yaratilgan zamonaviy infratuzilma bilan ham tanishdi.
Imom Buxoriy eng nufuzli islom ulamolaridan biri va islom an’anasidagi eng muhim hadis to‘plamlaridan biri bo‘lgan "Sahih al-Buxoriy" hadislar to‘plamining muallifi hisoblanadi.
O‘zbekiston musulmonlari idorasi Matbuot xizmati
