Masjidun Nabaviy va Qubo masjidi bir necha borabar kengaytirilmoqda
Saudiya Arabistoni ommaviy axborot vositalari tarixiy masjidlar Masjidun Nabaviy va Qubo masjidini rivojlantirish loyihasi tafsilotlarini e'lon qildi, deb yozadi “IQNA” sayti “Alyavma 7”ga tayanib xabar berdi.
“Nigoh-2030” loyihasiga muvofiq, Payg'ambarimiz masjidida namoz o'qish imkoniyatini kengaytirish maqsadida Saudiya Arabistoni rasmiylari ikki million namozxonni joylashtirish rejasini ilgari surmoqda. Ushbu loyiha doirasida Qubo masjidi va uning atrofidagi hududlarda ham bunyodkorlik ishlari olib boriladi.
Loyihada Qubo masjidi (Islom tarixida qurilgan birinchi masjid) va uning atrofidagi maydoni 50 000 kvadrat metrga, ya'ni hozirgi maydonidan 10 baravar ko'p, sig'imi esa 66 000 namozxonga etkaziladi. Ushbu masjid hijriyning birinchi yilida tashkil etilganidan beri eng yirik obodonlashtirish loyihasiga aylanadi.
Shu bilan birga, Al-Haramayn yoki Ikki muqaddas poyezdlar boshqarmasi rahbariyati Ramazon oyida Makka va Madina shaharlari o'rtasidagi reyslar sonini Ka'ba ziyoratchilari bemalol harakatlanishi uchun 100 ta reysga etkazganini ma'lum qildi.
O'MI xodimi I.Ahmedov tayyorladi.
Saudiya matbuoti: O‘zbekiston madaniy-gumanitar, turizm sohalarida xalqaro hamkorlikni kengaytirmoqda
Saudiya Arabistonining nufuzli OAVda O‘zbekistonning madaniy-gumanitar, turizm va sport sohalaridagi xalqaro hamkorligi hamda mamlakatda bo‘lib o‘tadigan yirik tadbirlarga bag‘ishlangan tahliliy maqolalar e’lon qilindi, deb xabar bermoqda “Dunyo” AA muxbiri.
Xususan, Saudiya Arabistonining “Amwaj” nashrida joriy yilning 24–29 avgust kunlari Toshkentda “Islom sivilizatsiyasi: yangicha nigoh, yangi kashfiyotlar” mavzusida xalqaro mediaforum o‘tkazilishi keng yoritildi.
O‘zbekistondagi Islom sivilizatsiyasi markazida bo‘lib o‘tadigan ushbu yirik tadbirga yetakchi xorijiy jurnalistlar va xalqaro ekspertlar to‘planishi qayd etilgan. Forum dasturi yalpi majlislar, talabalar uchun mahorat darslari, mediaturlar va Samarqandning tarixiy obidalarini ziyorat qilishni o‘z ichiga oladi hamda O‘zbekiston davlat mustaqilligining 35 yilligini nishonlashga bag‘ishlanadi.
Shuningdek, nashrda Samarqandda O‘zbekiston Turizm qo‘mitasi tomonidan tashkil etilgan birinchi O‘zbekiston–Gruziya turizm forumi ham yoritilgan. Ta’kidlanishicha, tadbir O‘zbekiston Prezidenti Shavkat Mirziyoyevning Gruziyaga davlat tashrifi chog‘ida erishilgan kelishuvlarning amaliy ifodasi bo‘ldi.
Tomonlar qo‘shma sayyohlik mahsulotlarini yaratish, to‘g‘ridan to‘g‘ri aviaqatnovlarni kengaytirish va turizmning yangi turlarini rivojlantirish masalalarini muhokama qilgan. Gruziyadan kelayotgan sayyohlar oqimining sezilarli darajada oshgani va O‘zbekiston turizm sohasining umumiy ko‘rsatkichlari yuqori ekani qayd etilgan.
“Saudi Press Agency” axborot agentligi Jidda shahrida Saudiya Arabistoni Islom ishlari, da’vat va irshod vazirligi hamda O‘zbekiston Din ishlari bo‘yicha qo‘mitasi o‘rtasidagi Anglashuv memorandumiga doir ijro dasturi imzolangani haqida xabar berdi.
Ushbu hujjat mo‘tadillik tamoyillarini mustahkamlash, ekstremizmga qarshi kurashish, voiz va imomlar uchun o‘quv kurslarini tashkil etish, Qur’oni Karim ma’nolarini o‘rganish va yoyish sohasidagi hamkorlikni rivojlantirishga qaratilgan.
O‘zbekiston musulmonlari idorasi Matbuot xizmati
