“Emirates” aviakompaniyasi yo'lovchilarga iftorlik taklif etyapti
Birlashgan Arab Amirliklarining “Emirates” havo yo'llari kompaniyasi Muborak Ramazon oyi boshlanishi munosabati bilan minglab iftorlik to'plamlarini tayyorladi. Ushbu maxsus qutilarga joylashtirilgan iftorlik to'plamlarida ro'zadorlar uchun turli eguliklar, mevalar va suv mavjud.
“Rossiya Amirliklari” sayti ma'lumotiga ko'ra, ayni kunda Dubay xalqaro aeroportida yo'lovchilarga Ramazon oyida an'anaviy arab shirinliklari, xurmo va kofe taqdim etilmoqda. Shuningdek, iftorlik paytida bortga chiqayotgan yo'lovchilar uchun suv, sharbat, banan va xurmolar ham tarqatilmoqda.
Ro'zadorlarni iftorlik vaqtida ma'lumot xabardor qilish uchun “Emirates” aviakompaniyasi parvoz vaqtida quyosh chiqishi va botishi vaqtini bilish uchun maxsus yondashuvdan foydalanadi. Shuningdek, uzunlik, kenglik va samolyotning parvoz balandligi, quyosh botganidan keyin samolyot kapitani yo'lovchilarga iftorlik boshlanishi haqida rasman xabar beradi.
O'MI Matbuot xizmati
Har bir murojaat ortida inson taqdiri bor (fotolavha)
O‘zbekiston musulmonlari idorasi tomonidan yo‘lga qo‘yilgan ochiq va samimiy muloqot tizimi fuqarolar murojaatlarini atroflicha o‘rganish hamda ularga tezkor yechim topishda muhim omil bo‘lmoqda.
Bugun, 26 avgust kuni O‘zbekiston musulmonlari idorasi raisi o‘rinbosari Zayniddin domla Eshonqulov navbatdagi fuqarolar qabulini o‘tkazib, yurtdoshlarimizning taklif va murojaatlarini tingladi.
Yuzma-yuz muloqot jarayonida masjidlar holati va faoliyati, imom-xatiblar ishi, haj va umra ziyoratlarini tashkil etish, oilaviy munosabatlarni tartibga solish hamda moddiy yordam ko‘rsatishga oid qator masalalar ko‘rib chiqildi.
Murojaatlarning aksariyati joyida ijobiy hal etilgan bo‘lsa, qo‘shimcha o‘rganish talab qiladigan masalalar yuzasidan tegishli mutasaddilarga aniq ko‘rsatmalar berildi.
Eslatib o‘tamiz, bu kabi ochiq muloqot tadbirlari Diniy idoraning hududiy vakilliklari hamda yurtimizdagi barcha jome masjidlarda har haftaning chorshanba kuni muntazam o‘tkazib kelinmoqda.
O‘zbekiston musulmonlari idorasi
Matbuot xizmati
