Sayt test holatida ishlamoqda!
26 Iyul, 2025   |   1 Safar, 1447
search icon
Avvalgi sayt
ЎЗ РУ EN AR

Toshkent shahri
Tong
03:36
Quyosh
05:13
Peshin
12:35
Asr
17:36
Shom
19:50
Xufton
21:19
Bismillah
26 Iyul, 2025, 1 Safar, 1447
Avvalgi sayt
#search
 YouTube

O'zbekiston Bosh konsuli “Yuna”ga tashrif buyurdi

03.04.2023   1261   1 min.
O'zbekiston Bosh konsuli “Yuna”ga tashrif buyurdi

O'zbekiston Respublikasining Jidda shahridagi Bosh konsuli Nodirjon Turg'unov 27 mart kuni Jidda shahridagi Islom hamkorlik tashkiloti axborot agentliklari ittifoqining (YuNA) bosh direktori vazifasini bajaruvchisi Muhammad Abdurabbi Al-Yami bilan uchrashdi.

Tashrif chog'ida O'zbekiston Bosh konsuliga Islom hamkorlik tashkilotining unga a'zo davlatlar uchun asosiy media-platforma sifatidagi roli, shuningdek, ommaviy axborot vositalari sohasini rivojlantirish bo'yicha YuNAning shaffoflik, ishonchlilik va bag'rikenglikka undaydigan kelgusi yillarga mo'ljallangan harakatlar rejasi haqida ma'lumot berildi.

Bosh konsul Ittifoqning a'zo davlatlar o'rtasida xalqaro ommaviy axborot vositalari xodimlari o'rtasidagi kasbiy aloqalarni mustahkamlashdagi rolini yuqori baholadi. Shu bilan birga ommaviy axborot vositalari sohasida qo'shma loyihalarni ilgari surish bo'yicha o'z takliflarini bildirdi.

O'MI Matbuot xizmati

Dunyo yangiliklari
Boshqa maqolalar

Mo‘min va fojir vafot etsa

21.07.2025   6304   1 min.
Mo‘min va fojir vafot etsa

Abu Qatoda roziyallohu anhudan rivoyat qilinadi:

«Rasululloh sollallohu alayhi vasallamning oldilaridan bir janoza olib o‘tildi, shunda u zot alayhissalom: "Tin oluvchi va undan tin olinuvchi", dedilar.

"Yo Allohning Rasuli, tin oluvchi va undan tin olinuvchi nima?" deyishdi.

U zot alayhissalom: "Mo‘min banda (vafot etsa) dunyoning qiyinchiliklaridan istirohat oladi. Fojir banda (o‘lsa) undan bandalar, elu yurtlar, dov-daraxtlar va jonzotlar qutuladilar", dedilar» (Imom Buxoriy va imom Muslim rivoyati).

 

Abdulloh ibn Umar roziyallohu anhumodan rivoyat qilinadi:

«Rasululloh sollallohu alayhi vasallam: "Birortangiz vafot etganida unga o‘rni ertayu kech ko‘rsatib turiladi: agar jannat ahlidan bo‘lsa, jannat ahlidan ekani, do‘zax ahlidan bo‘lsa, do‘zax ahlidan ekani. "Alloh seni qiyomat kuni qayta tiriltirgunicha sening o‘rning mana shudir", deyiladi", dedilar» (Imom Buxoriy va imom Muslim rivoyat qilishgan).