Jannatni ikki marta sotib olgan sahobiy
Siyrat kitoblarida tiriklik chog‘ida jannatni ikki marta sotib olgan kishi haqida so‘z yuritilgan. Bu ulug‘ zot haqida o‘zlarining ham asrlari bo‘lgan buyuk sahoba Abu Hurayra roziyallohu anhu quyidagilarni aytgan
Abu Hurayra roziyallohu anhu: "Usmon jannatni Payg‘ambarimiz sollallohu alayhi vasallamdan ikki marta sotib oldi. Birinchisi, musulmonlar uchun "Ruvma" qudug‘ini qazib Alloh yo‘lida hadya qildi. Ikkinchisi, Askarlarning qiynalib qolganlarini Alloh yo‘lida o‘z hisobidan taminladi", dedilar.
Ha Usmon roziyallohu anhu shunaqa saxovatli zot edilar. Payg‘ambarimiz sollallohu alayhi vasallam vafot etganlaridan keyin musulmonlarga qahatchilik keldi. O‘sha paytlari Usmon roziyallohu anhu chetdan mol olib kelib tijorat bilan shug‘ullanar edilar. Ayni qahatchilik payti madinalik musulmonlar yo‘qchilikdan tinkasi qurib madori qolmagan bir vaqtda madinada "Usmonning karvoni juda katta mol bilan Madinaga kirib kelyapdi", degan gap tarqaldi. Madinadagi puldor odamlar darhol karvonga peshvoz chiqib, hali madinaga kirmagan karvondagi barcha molni sotib olishga urunishdi. Usmon roziyallohu anhu ularga: "Mollarim insonlarga juda kerakli. Madinaga olib kirsam bir zumda sotib olishadi. Kim qancha beradi", dedilar. Ular: "Madinadagi narxdan bir baravar ko‘p beramiz", deyishdi. Usmon roziyallohu anhu: "Yo‘q. Bu kam", dedilar. Ular: "Ikki baravar", deyishdi. Usmon roziyallohu anhu: "Yo‘q Bu ham kam", dedilar. Shu yo‘sinda ular "Birga to‘rt yoki besh baravar ko‘paytirib beramiz, bundan boshqa, ortirib bera olmaymiz, bundan oshiqcha beradigan odamni Madinadan topa olmaysan deyishi. Usmon roziyallohu anhu: "Men birga o‘n qilib beradiganni topdim", dedilar. Ular hayratlanib kim ekan o‘sha boyvachcha, deyishdi. Usmon roziyallohu anhu: "U Allohdir. Guvoh bo‘ling manashu karvondagi barcha mollarim Alloh yo‘lida madinaliklarga hadya", dedilar.
Ha tirikligida jannat yo‘llanmasini qo‘lga kiritgan va Payg‘ambarimiz tomonlaridan: "Usmon endi nima qilsa qilaversin, men undan roziman", deb aytilgan xushxabarni eshitgan, bu shaxs Usmon roziyallohu anhu edilar.
Alloh barchamizni to‘g‘ri yo‘lga boshlasin, va jannatidan joy ato qilsin. Omin!!!
Nurmuhammedova Vasila
“Guruhbozlik qilmang!”
Sabrsizlik musulmonlar orasida turli ixtiloflar, urush-janjallar kelib chiqishiga sabab bo‘ladi. Alloh Taolo sabr qiluvchilar bilan bo‘ladi. Ularni turli yomonliklardan asraydi. Sabr qilmay, chidamsiz bo‘lganlar esa, ixtilof girdobiga duchor bo‘ladilar.
Oyati karimaning oxirida Alloh taolo: “Va sabr qiling. Albatta, Alloh sabr qiluvchilar bilandir”, deb marhamat qilgan.
Shuningdek, Alloh taolo “Rum” surasi 31-32 oyatlarda mo‘min-musulmonlarga quyidagi xitobni qiladi: “...Va mushriklardan bo‘lmang. Dinlarida tafriqaga tushgan, guruh-guruh bo‘lib olib, har bir jamoa o‘z oldidagi narsadan shod bo‘lganlardan bo‘lmang”.
Demak, dinda tafriqaga tushish mushriklarning ishi bo‘lib tanilgan ekan. Guruh-guruh bo‘lib olib, ixtilof chiqarish, talashib-tortishish ham mushriklarning ishi ekan. Har bir jamoa o‘z oldidagi narsadan shod bo‘lib, boshqalarni past sanashi ham mushriklarning ishi ekan.
Alloh taolo “An’om” surasi 109-oyatda Payg‘ambarimiz sollallohu alayhi vasallamga xitob qilib: “Dinlarini tafriqa qilib, o‘zlari guruhbozlik qilganlar bilan hech bir aloqang yo‘q. Albatta, ularning ishi Allohning O‘ziga havola. So‘ngra qilgan ishlarining xabarini berur”, degan.
Ushbu oyati karimada Alloh taolo tafriqa va guruhbozlikka olib boradigan nizo hamda ixtiloflarni Payg‘ambarimiz sollallohu alayhi vasallamning yo‘llaridan boshqa, ul hidoyat yo‘liga teskari yo‘l hisoblamoqda. Alloh taolo bu oyatda tafriqa va guruhbozlik Payg‘ambarimizning ummatlariga munosib emasligini qattiq ta’kidlamoqda.
Alloh taolo “Oli Imron” surasida siz bilan biz musulmonlarga xitob qilib: “O‘zlariga ochiq bayonotlar kelganidan keyin bo‘linib, tafriqaga tushganlarga o‘xshash bo‘lmanglar! Ana o‘shalarga ulug‘ azob bordir”, degan.
Tafriqaga tushib bir-birimiz ila tortishish nizolar urchib, fayzu baraka ko‘tarilishiga sabab bo‘ladi.
Yangiqo‘rg‘on tumani "Sayid bobo Termiziy" jome masjidi
imom-xatibi Abduvali Mahmudxonov
@SOFTALIMOTLAR
