Ahmad qori Naina: Qur’on iste’dodi hayotimdagi eng katta tuhfadir
Misr va islom olamining eng buyuk qorilaridan biri Ahmad Naina televideniye dasturida bolaligidanoq Qur’oni karim hayoti haqida gapirib, o‘zining Qur’on iste’dodini hayotidagi eng buyuk ilohiy ne’mat, deb ta’rifladi. Bu haqda “IQNA” sayti “Al-Ahram” ga tayanib xabar berdi.
– Otam paxta savdosi bilan shug‘ullangan. Qur’on ilmidan ham olim bo‘lgan. Mening Qur’on o‘rganishimga ham juda qiziqardi. Madrasada Kalomullohni o‘qishni o‘rgandim. Iskandariyada Shayx Saiddan ruxsat olib, ko‘zi ojiz Shayx Amin Xeloliydan tahsil oldim, – deydi u.
Misr va islom olamining bu buyuk qorisining so‘ziga ko‘ra, Misrning sobiq prezidenti Anvar Sadat uning mutolaasiga yuqori baho berib, o‘zi yaqin do‘st bo‘lgan Shayx Mustafo Ismoil bilan qiyoslagan.
Naina, shuningdek, Misrning buyuk tarjimon olimi va voizi Shayx Muhammad Mutavalli ash-Sharoviyning muxlisi va uning shogirdi ekanligini aytdi. Ash-Sharoviy uning qiroatini juda qadrlagan va har doim Naina bizni tanani emas, balki qalb va ruhni davolashga yo‘naltiradi, - deydi.
O‘zbekiston musulmonlari idorasi xodimi
Ilyosxon Ahmedov tayyorladi.
“Moturidiylik” islomshunoslik sohasidagi yetakchi ilmiy nashrlardan biri
Imom Moturidiy xalqaro ilmiy-tadqiqot markazi tomonidan imom-xatiblar, mudarrislar, oliy va o‘rta maxsus diniy ta’lim muassasalari o‘qituvchilari va tadqiqotchilari uchun “Moturidiylik” jurnalining maxsus sonini nashr qilish rejalashtirilmoqda.
Maxsus sonni tayyorlashdan maqsad – diniy soha xodimlarining islomshunoslik sohasidagi ilmiy tadqiqotlarini qo‘llab-quvvatlash.
“Moturidiylik” respublikaning islomshunoslik sohasidagi yetakchi ilmiy nashrlaridan biri bo‘lib, Oliy attestatsiya komissiyasi tomonidan ilmiy tadqiqotlarning asosiy ilmiy natijalarini chop etishga tavsiya etilgan.
“Moturidiylik” jurnalida chop etilgan maqolalar respublika miqyosida mustaqil ilmiy tadqiqot sifatida tan olinadi va ilmiy ish olib borayotgan tadqiqotchilarga qo‘yilgan maqola talablarini bajarishda to‘liq e’tirof etiladi.
Maqola talablari
Maqolalar Word hujjati sifatida taqdim etiladi (.doc yoki .docx formatida)
Maqolaning maksimal uzunligi 7-10 sahifadan oshmasligi kerak (barcha raqamlar, jadvallar, rasmlar, izohlar, iqtiboslar va havolalar bilan birga)
Matn 14 kattalikdagi Times New Roman shriftida, 1,5 intervalda yoziladi
Taqdim etiladigan maqola quyidagi qismlarni o‘z ichiga oladi:
Sarlavha, sarlavhadan keyin muallif(lar)ning ism(lar)i qo‘yiladi.
Annotatsiya 70–100 ta so‘zdan iborat
Kalit so‘z 5–8 ta
Kirish
Asosiy qism
Muhokama
Natijalar
Xulosa
Adabiyotlar/Iqtibos keltirilgan asarlar ro‘yxati
Maqolaga qo‘yilgan talablar borasida ushbu havola orqali batafsil bilib olishingiz mumkin!
Ushbu havola orqali maqolangizni yuboring!
+998712443521
info@maturidijournal.org
www.maturidijournal.org