O‘zbekiston delegatsiyasi xalqaro konferensiyada qatnashdi
Shu yilning 25-26-iyul kunlari Qozon shahrida “Ma’naviy ipak yo‘li: Yevroosiyo makonida an’anaviy qadriyatlar” mavzusida xalqaro konferensiya bo‘lib o‘tdi. Unda O‘zbekiston diniy soha mutasaddilari qatori O‘zbekiston musulmonlari idorasi raisi o‘rinbosari Muhammadolim domla Muhammadsiddiqov ishtirok etdi.
Muhammadolim domla o‘z chiqishida so‘nggi yillarda yurtimizda diniy soha amalga oshirilayotgan islohotlar, yoshlar bilan ishlash, diniy ta’limni rivojlantirish bo‘yicha qilinayotgan ishlar haqida ma’ruza qildi. Bunday o‘zgarishlar anjuman qatnashchilari tomonidan yuqori baholanib, e’tirof etildi.
Anjuman davomida «Katta Yevroosiyo xalqlari: kundalik diniy hayotning zamonaviy etnografik tadqiqotlari», «Qur’onning zamonaviy islom madaniyati va ta’limda aks etish shakllari» kabi mavzular muhokama qilindi.
O‘zbekiston musulmonlari idorasi Matbuot xizmati
Har bir xonadonga bayram shukuhi kirib bormoqda
O‘zbekiston Respublikasi mustaqilligining 35 yilligi munosabati bilan vohamiz aholining ijtimoiy ko‘makka muhtoj qatlamlarini qo‘llab-quvvatlash, ularning ko‘ngliga quvonch ulashishga qaratilgan xayrli ishlar davom etmoqda.
Bugun, O‘MI Qashqadaryo viloyati vakili, viloyat bosh imom-xatibi Rahmatillo domla Usmonov boshchiliklarida homiylar jalb etilgan holda mahalla hududidagi xonadonlarga tashrif buyurib, xonadon ahillari bilan samimiy suhbatlar o‘tkazildi. Ularni qo‘llab-quvvatlash maqsadida sovg‘a-salomlar va xayr-ehson qutilari tarqatildi.
Bunday xayrli tashabbuslar xalqimizga xos mehr-oqibat, saxovat va insonparvarlik fazilatlarining amaliy ifodasi bo‘lib, ehtiyojmand oilalarga ma’naviy dalda va ko‘mak berishda muhim ahamiyat kasb etmoqda.
Yurtimizda tinchlik-osoyishtalik, xonadonlarimizda fayzu baraka bardavom bo‘lsin!
O‘MI Qashqadaryo viloyati vakilligi
Matbuot xizmati
