Musulmon Shotlandiya hukumatida rahbarlik lavozimini egalladi
Shotlandiya sog'liqni saqlash vaziri Hamza Yusaf Shotlandiya Milliy partiyasining (SNP) yangi rahbari etib e'lon qilindi. Bu esa uni to'laqonli ravishda mamlakat hukumati raisi sifatida ish boshlashi mumkinligini anglatadi.
Buni Shotlandiya Milliy partiyasi (SNP) milliy kotibi Lorna Finn partiya a'zolari o'rtasida ikki haftalik ovoz berish natijalarini sarhisob qilganidan so'ng bu haqda ma'lum qildi.
Ma'lumotda qayd etilishicha, Yusaf ovoz berishning ikkinchi bosqichida 26 mingdan sal ko'proq partiya a'zosi (ovozda qatnashganlarning 52,1 foizi) qo'llab-quvvatlagan holda boshqa nomzodlar orasida g'alaba qozongan. Ikkinchi o'rinni mahalliy Moliya vazirligi rahbari Keyt Forbs (23,9 ming ovoz yoki 47,9 foiz) egalladi. Uchinchi nomzod, jamiyat xavfsizligi bo'yicha sobiq vazir Ash Regan atigi 5,6 ming kishi tomonidan qo'llab-quvvatlanib, ikkinchi saralash turiga chiqa olmadi.
Saylovda faqat Shotlandiya parlamentining Shotlandiya Milliy partiyasi (SNP) a'zolari ishtirok etishlari mumkin edi. Ovoz berishda partiya a'zosidan jami 72 ming nafardan 50,5 ming nafari ishtirok etdi.
O'MI Matbuot xizmati
Ma’naviy-ma’rifiy soha fidoyilari taqdirlandi
Vatanimiz mustaqilligining 35 yilligi munosabati bilan Surxondaryo viloyati Qumqo‘rg‘on tumanida diniy-ma’rifiy sohada samarali faoliyat yuritayotgan, jamiyatda sog‘lom ma’naviy muhitni mustahkamlash va yoshlarni yot g‘oyalardan asrash yo‘lida fidokorona mehnat qilayotgan bir guruh soha xodimlari taqdirlandi.
Tadbirda Qumqo‘rg‘on tumani hokimining birinchi o‘rinbosari Z.Eshqobilov ishtirok etib, yig‘ilganlarni qutlug‘ bayram bilan samimiy muborakbod etdi hamda ularning el-yurt osoyishtaligi va ma’naviy-ma’rifiy ishlar samaradorligini oshirishdagi xizmatlarini yuqori baholadi.
Marosimda fidoyi soha xodimlariga tuman hokimligining tashakkurnomalari va bayram esdalik sovg‘alari tantanali ravishda topshirildi.
O‘zbekiston musulmonlari idorasi
Matbuot xizmati
