Shu yil 9-21 avgust kunlari Saudiya Arabistoni Podshohligi Islom ishlari, da’vat va irshod vazirligi tomonidan Podshoh Abdulaziz nomidagi 44-xalqaro Qur’oni karimni yodlash, tajvid va tafsiri musobaqasi o‘tkazilmoqda.  

Mazkur nufuzli qorilar bellashuvida O‘zbekiston nomidan Diniy idora tasarrufidagi Mir Arab o‘rta maxsus islom bilim yurti talabasi Muhammad qori G‘ulomov Qur’oni karimni tajvid qoidasi asosida to‘liq yoddan o‘qib berish yo‘nalishida ishtirok etmoqda. 

Ma’lumot o‘rnida, Muhammad qori Salohiddin o‘g‘li 2001 yilda Namangan shahridagi “Oltitosh” mahallasida tug‘ilgan. 2014 yilda Qur’oni karimni to‘liq yod olgan. Shundan so‘ng qariyb 10 yildan buyon yurtimiz masjidlaridagi xatmi Qur’on tadbirlarida ishtirok etib keladi. Hozirda Mir Arab madrasasining 3-bosqich talabasi. 

Alloh taolo o‘zbekistonlik qoriga O‘zi yor va madadkor bo‘lsin!

O‘zbekiston musulmonlari idorasi
Matbuot xizmati