Bugun  Imom Termiziy xalqaro ilmiy-tadqiqot markazi direktori, tarix fanlari bo‘yicha falsafa doktori (PhD) Joniyev Muzaffarxon  Surxondaryo viloyati delegatsiyasi bilan birga Malayziyadagi Qirolicha Raja Zarit Sofiya nomidagi Islom tadqiqotlari markazi rahbari doktor Mohd Hilmi Bin Ramli bilan uchrashuvi bo‘lib o‘tdi.

Uchrashuvda Imom Termiziy xalqaro ilmiy-tadqiqot markazining xozirgi kunda olib borilayotgan ilmiy faoliyat natijalari, allomalar merosini o‘rganish yo‘nalishida amalga oshirilgan ishlar haqida ma’lumot berdi. 

Shundan so‘ng Qirolicha Raja Zarit Sofiya nomidagi Islom tadqiqotlari markazi rahbari tomonidan markaz faoliyati, kutubxonasi, talaba va tadqiqotchilarga yaratib berilgan shart-sharoitlar bilan tanishtirdi.

Uchrashuv yakunida o‘zaro hamkorlik memorandumlarini imzolash, seminar va konferensiyalar tashkil etish,  hamda hamkorlikda Hakim Termiziyning ilmiy merosi va qo‘lyozmalarni o‘rganish bo‘yicha tadqiqotlar olib borishga kelishib olindi.