Shu yil 28 avgust kuni “Ko‘kaldosh” o‘rta maxsus islom bilim yurtida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari rahbarlari ishtirokida seminar bo‘lib o‘tdi.

Mazkur tadbir Qur’oni karim tilovati va xayrli duolar bilan boshlandi.

Dastlab O‘zbekiston musulmonlari idorasi raisi o‘rinbosari Muhammadolim Muhammadsiddiqov 2024–2025 o‘quv yilida diniy ta’lim muassasalarida ta’lim sifatini yanada oshirish, pedagog-o‘qituvchilarni ilmiy-tadqiqot ishlariga keng jalb qilish xususida so‘z yuritdi.  

Shuningdek, Diniy idora Ta’lim va ilmiy-tadqiqot bo‘limi mudiri Salohiddin Sherxonov oliy va o‘rta maxsus diniy ta’lim muassasalarining rahbar-kadrlar va pedagog-o‘qituvchilarini attestatsiyadan o‘tkazishni yuqori saviyada tashkil etish, o‘rta maxsus islom ta’lim muassasalari o‘quv rejasiga yangi kiritilgan fanlar tug‘risida gapirdi.

Seminar davomida 2024-2025 o‘quv yilining ikkinchi semestr yakunlari, talaba va pedagog-o‘qituvchilarga qulay sharoitlar yaratish bo‘yicha olib borilayotgan ishlar sarhisob qilinib, tegishli tavsiyalar berildi. Shu bilan birga, oliy va o‘rta maxsus diniy ta’lim muassasalarida 2024-2025 o‘quv yili uchun to‘lov-kontrakt miqdorini belgilash, talabalar stipendiyasi, pedagog-o‘qituvchi va xodimlarning oylik maoshlarini oshirish masalalari ko‘rib chiqildi.

Yig‘ilish so‘ngida ta’lim muassasalar rahbarlari tomonidan 2023-2024 o‘quv yili yakunlari, mavjud muammolar va ularni bartaraf etish bo‘yicha takliflar va yangi o‘quv yiliga tayyorgarlik jarayonlari to‘g‘risida hisobot berdi.

Seminarda erishilgan yutuqlar va yo‘l qo‘yilgan kamchiliklar aytib o‘tildi. Yangi 2024-2025-o‘quv yilida amalga oshiriladigan ishlar va rejalar muhokama qilindi.

Tashrif asnosida ta’lim muassasalari rahbarlari bilim yurti binosi, oshxona va pedagog-o‘qituvchilar uchun yaratilgan sharoitlar bilan yaqindan tanishdi.

“Ko‘kaldosh” o‘rta maxsus

islom bilim yurti

Matbuot xizmati