Sayt test holatida ishlamoqda!
29 Aprel, 2025   |   1 Zulqa`da, 1446

Toshkent shahri
Tong
03:55
Quyosh
05:23
Peshin
12:25
Asr
17:15
Shom
19:21
Xufton
20:44
Bismillah
29 Aprel, 2025, 1 Zulqa`da, 1446

Rejamiz bir asrlikdir!

29.08.2024   4376   2 min.
Rejamiz bir asrlikdir!

Obuna – 2024

Donishmandlardan birining: «Agar rejangiz bir yillik bo‘lsa – sholi eking. O‘n yillik bo‘lsa – daraxt o‘tqazing. Agar bir asrlik bo‘lsa – farzandlaringizga ta’lim-tarbiya bering», degan hikmatli gapi bor.

Haqiqatan, har birimizning rejamiz bir asrlik. Niyatimiz ham shunga yarasha: xonadon ahllarimizning barchasiga sof Islom ta’limotini go‘zal tarzda yetkazish, ularni ma’rifatli qilish, ma’naviyatini yuksaltirishdir. Tabiiyki, bu jarayonda bizga eng yaqin ko‘makchi bu – “Hidoyat” va “Mo‘minalar” jurnallari hamda “Islom nuri” gazetasidir.

Mazkur nashrlarga 2025 yil uchun obuna mavsumi boshlandi.

“Shamsuddinxon Boboxonov” nashriyot-matbaa ijodiy uyi Davriy nashrlar bo‘limi mudiri T.Nizomov hamda Marketing va innovatsiyalar bo‘limi mudiri A.Yusupov Navoiy va Buxoro viloyatlarida xizmat safarida bo‘lib, viloyatlar, tumanlar va shaharlar bosh imom-xatiblari bilan uchrashuvlar o‘tkazdi.

Yig‘ilishlarda “Hidoyat” va “Mo‘minalar” jurnallari hamda “Islom nuri” gazetasiga 2025 yil uchun obuna mavsumini har yilgidan ko‘ra uyushqoq va ko‘tarinki ruhda o‘tkazish, har bir xonadonga ziyo va ma’rifat kirib borishini ta’minlash zarurligi alohida qayd etildi.

 – “Hidoyat” va “Mo‘minalar” jurnallari hamda “Islom nuri” gazetasi yildan-yilga mazmun-mundarijasi boyib, shaklan juda go‘zal bo‘lib boryapti, – deydi Navoiy viloyati bosh imom-xatibi Tohir domla Ro‘ziyev. – Inshoalloh, 2025 yil uchun obunani ko‘p qilamiz. Juma mav’izalarida, to‘y va marosimlarda davriy nashrlarimiz targ‘ibotni kuchaytiramiz. Aslida, bu ham amri ma’ruf va nahyi munkardir. Zero, Imom Termiziy bobomiz rivoyat qilgan hadisda Nabiy sollallohu alayhi va sallam: “Yaxshilikka dalolat qiluvchi yaxshilik qiluvchi kabidir”, deganlar.

Tadbirlar so‘ngida “Hidoyat” va “Mo‘minalar” jurnallari hamda “Islom nuri” gazetasiga 2024 yil uchun obuna mavsumida jonbozlik ko‘rsatgan masjidlar hamda tumanlar bosh imom-xatiblari “Shamsuddinxon Boboxonov” nashriyot-matbaa ijodiy uyi tomonidan sovg‘alar bilan taqdirlandi. 

Hidoyat.uz

Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir! Rejamiz bir asrlikdir!
Boshqa maqolalar

Kelin-kuyov haqqiga duo qilish

17.04.2025   7596   2 min.
Kelin-kuyov haqqiga duo qilish

Abu Hurayra roziyallohu anhudan rivoyat qilinadi.

«Nabiy sollallohu alayhi vasallam qachon insonni uylangan paytida tabriklasalar, «Alloh senga muborak qilsin, baraka bersin va ikkingizning orangizni xayr ila jam qilsin», der edilar («Sunan» egalari rivoyat qilganlar).

Kelin-kuyovni to‘y bilan tabriklash Payg‘ambarimiz sollallohu alayhi vasallamdan qolgan sunnatdir. Bu sunnatga binoan, har bir musulmon kelin-kuyovning to‘ylari munosabati ila ularni tabriklash paytida haqlariga Alloh taolodan xayr-baraka va baxtli hayot kechirishlarini so‘rab, duo qilishi kerak.

Hasan roziyallohu anhudan rivoyat qilinadi:

«Aqiyl ibn Abu Tolib Banu Jusamlik bir ayolga uylandi. Bas, unga «Murosa va bolalar ila», deyildi. Shunda u:

«Rasululloh sollallohu alayhi vasallam aytganlaridek, «Alloh sizlarga muborak qilsin va baraka bersin», denglar», dedi (Nasaiy rivoyat qilgan).

Kishilar Aqiyl ibn Abu Tolib roziyallohu anhuni uylangani munosabati ila muborakbod qilishda o‘zlariga odat bo‘lib kelayotgan eski tabrik so‘zlarini aytishgan edi, u kishiga yoqmadi. U kishi roziyallohu anhu, Nabiyimiz alayhissalom yangi uylangan odamni qanday so‘zlar bilan tabriklagan bo‘lsalar, meni ham shunday tabrik qilinglar, deb o‘rgatdilar.

Ha, musulmon kishi har bir narsada o‘z Payg‘ambari sollallohu alayhi vasallamga ergashmog‘i lozim. Hatto uylanish munosabati ila aytiladigan tabrik so‘zlarida ham.

Oisha roziyallohu anhodan rivoyat qilinadi. Nabiy sollallohu alayhi vasallam menga uylanganlarida onam kelib, meni hovliga olib kirdilar. Qarasam, ansoriy ayollar uyning ichida ekanlar. Bas, ular «Xayr va barakali bo‘lsin. Eng baxtli va nasibali bo‘lsin», dedilar (Buxoriy va Abu Dovud rivoyat qilganlar).

Payg‘ambarimiz sollallohu alayhi vasallam bilan Oisha onamizning to‘ylari Madinai Munavvarada bo‘lgan. Oisha onamizning onalari Ummu Rummon binti Omir ibn Abdushams roziyallohu anhoning o‘zlari u kishini Rasululloh sollallohu alayhi vasallamning oldilariga olib kirganlar. O‘shanda hovlida Asmo binti Yaziyd roziyallohu anho boshliq bir guruh Madina ayollari ham bo‘lganlar. Ular kelin bo‘lmish Oisha onamizni ko‘rganlari zahoti u kishining haqlariga yaxshi tilaklar bilan duo qilganlar.

Keyin Ummu Rummon roziyallohu anho Oisha onamizni Rasululloh sollallohu alayhi vasallamning oldilariga olib kirib, o‘tqazganlar va:

«Mana bu – ahlingiz, yo Rasulalloh, Alloh sizga bularni muborak qilsin», – deganlar.

Demak, kelin-kuyovni ko‘rgan kishi darhol tabriklab, yaxshiliklar tilab duo qilishi kerak ekan.

"Baxtiyor oila" kitobidan