FUQAROLAR MUROJAATI E’TIBOR MARKAZIDA
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining aholi bilan samimiy muloqoti ko‘plab muammolarni hal etishda muhim omil bo‘lmoqda.
Kecha, 4 sentyabr kuni Shayx Nuriddin Xoliqnazar hazratlari Diniy idorada fuqarolarni qabul qilib, murojaat, arz va takliflarini eshitdilar. Qabul chog‘ida ular tomonidan ko‘tarilgan masjidlar holati, imom-xatiblar faoliyati, oilaviy masalalar, diniy ta’lim hamda moddiy yordam olish singari masalalarning aksariyati ijobiy hal etildi.
Jumladan, oilaviy munosabatlarda kelganlarga muammolar yechimi bo‘yicha maslahatlar, shar’iy masalalar yechimi yuzasidan tavsiyalar va moddiy yordam so‘raganlarga belgilangan tartibda ko‘mak berildi. Masjid va imomlar faoliyati, diniy ta’limga oid murojaatlar ko‘rib chiqish uchun idora bo‘limlariga tegishli vazifalar yuklandi.
Mana shunday samimiy qabul va g‘amxo‘rlikdan mamnun bo‘lgan fuqarolar O‘zbekiston musulmonlari idorasi rahbariyati tomonidan ko‘rsatilgan e’tibordan ko‘ngillari shod bo‘lishib, xayrli duolar qilishdi.
Bu kabi qabul jarayonlari O‘zbekiston musulmonlari idorasining hududlardagi vakilliklari va barcha jome masjidlarida ham haftaning har chorshanba kuni imom-domlalar tomonidan amalga oshirilmoqda.
O‘zbekiston musulmonlari idorasi
Matbuot xizmati
Imom Buxoriy nomidagi Toshkent islom instituti haqida bilasizmi?
#2025_2026_yillik_hisobot
Imom Buxoriy nomidagi Toshkent islom instituti 1971 yil tashkil etilgan oliy diniy ta’lim muassasasi hisoblanadi.
Bugungi kunda institutda:
14 ta tarkibiy bo‘limda 91 nafar xodim;
5 ta kafedrada 106 nafar professor-o‘qituvchi faoliyat yuritmoqda.
Institutda jami 594 nafar talaba tahsil olmoqda. Ulardan:
20 nafar magistrant (4 nafar ayol-qiz);
225 nafar bakalavr (57 nafar ayol-qiz);
352 nafar modul ta’lim tizimi tinglovchilari.
Ta’lim shakllari:
• kunduzgi bakalavriat;
• kunduzgi magistratura;
• modul (maxsus sirtqi) ta’limi.
Ta’lim muddati:
• bakalavriat — 4 yil;
• magistratura — 2 yil;
• modul ta’limida imomlar — 3 yil;
• imom noiblari — 4 yil.
Ta’lim yo‘nalishlari:
Bakalavriat:
• 60220200 — «Islomshunoslik»;
• 60220700 — «Teologiya».
Magistratura:
• 70220701 — «Teologiya».
Bitiruvchilarga davlat namunasidagi diplom beriladi. Ushbu diplom O‘zbekiston Respublikasida oliy diniy ta’lim sohasidagi tegishli mutaxassisliklar bo‘yicha bakalavr va magistr darajasini tasdiqlovchi rasmiy hujjat hisoblanadi.
Manzil: Toshkent shahri, Olmazor tumani, Zarqaynar 18-berk ko‘chasi, 47-uy, 100002.
Telefon: (71) 240-03-58
@oliymahad – diniy-ma’rifiy kanali.
Oliymahad.uz
