Jaholatga qarshi – ma’rifat!
Poytaxtimizning Olmazor tumanida O‘zbekiston musulmonlari idorasi raisining o‘rinbosari Zayniddin domla Eshonqulov ishtirokida “Jaholatga qarshi ma’rifat” shiori ostida aholi vakillari, yoshlar va xotin-qizlar ishtirokida ma’naviy-ma’rifiy tadbir o‘tkazildi.
Tumandagi "Olimpiya" to‘yxonasida bo‘lib o‘tgan ushbu uchrashuvda hozirgi kunda yoshlar tarbiyasi, farzandlarni ona Vatanga sadoqat ruhida tarbiyalash hamda yoshlarni ta’lim olishi muhimligi to‘g‘risida alohida to‘xtalib o‘tildi.
Ma’ruza davomida farzandlarni yot g‘oyalar ta’siridan saqlash, ularni qadriyatlarimizga mos ravishda sog‘lom e’tiqodli qilib tarbiyalashdagi har bir ota-onaning o‘rni kabi muhim mavzularda ham fikr-mulohazalar bildirildi.
Tarixiy anjumanga yakuniy tayyorgarliklar
O‘zbekiston musulmonlari idorasi tashabbusi bilan ilk bor tashkil etilayotgan «Zamonaviy diniy ta’lim: pedagogika, ilm-ma’rifat va innovatsiya» mavzusidagi I ilmiy-amaliy anjuman boshlanishi arafasida.
Mazkur ilmiy-amaliy anjuman Islom sivilizatsiyasi markazining Katta majlislar zalida bo‘lib o‘tadi. Ayni paytda ushbu zal anjumanni yuqori saviyada o‘tkazish uchun zarur sharoitlar yaratilgan holda to‘liq shay holatga keltirildi.
O‘zbekiston musulmonlari idorasi Matbuot xizmati