Imom-xatiblar uchun sayyor seminar o‘tkazildi
Shu yilning 7 sentyabr kuni Andijon viloyati bosh imom-xatibi Mirzamaqsud domla Alimov boshchiligida Paxtaobod tumanidagi “Muazzimboy” jome masjidida shahar va tumanlar bosh imom-xatib va bosh muxtasiblari, tumandagi imom-xatiblarning sayyor seminar yig‘ilishi o‘tkazildi.
Unda notiqlar tomonidan Paxtaobod tumanidagi masjidlarning faoliyati haqida keng ma’lumotlar berilib, tumanda faoliyat ko‘rsatayotgan imom-xatiblarning faoliyat samaradorligi oshirish bo‘yicha kerakli ko‘rsatma va topshiriqlar berildi.
Shuningdek, masjidlarda faoliyat samaradorlikka erishgan va boshqalarga ham namuna ko‘rsatib kelayotgan Xo‘jaobod tumani bosh imom-xatibi Maqsudali domla Qosimov, Izboskan tumani bosh muxtasibi Xasanboy Ibroximov va Paxtaobod tumanidagi “Muazzimboy” jome masjidi imom-xatibi Muhammadabdulloh domla Ahmedovlar viloyat vakilligining tashakkurnoma va qimmatbaho sovg‘alari bilan taqdirlandi.
Farg‘ona viloyati vakilligi
Matbuot xizmati
Kim juma kuni "Duxon" surasini o‘qisa
Rasululloh sollallohu alayhi vasallam: «Kim juma kechasi "Ho mim" – "Duxon"ni qiroat qilsa, mag‘firat qilinadi», dedilar.
Rasululloh sollallohu alayhi vasallam aytdilar: «Kim juma kechasi "Ho mim" – "Duxon" surasini o‘qisa, yetmish ming farishta tonggacha uning haqqiga istig‘for aytib chiqadi».
Rasululloh sollallohu alayhi vasallam: «Kim juma kechasi yoki juma kuni "Ho mim" – "Duxon"ni qiroat qilsa, Alloh unga jannatda bir uy bino qiladi», dedilar.