Imomlar yig‘ilishi, namozxonlar bilan dildan suhbat, masjiddagi qurilish bilan tanishuv
Yig‘ilishda 2024 yilning o‘tgan 9 oyi davomida amalga oshirilgan ishlar tahlil qilindi. Unda Namangan viloyat bosh imom-xatibi Musoxon domla Abbosiddinov ishtirok etib, bugungi kun imomi zamonga ziyraklik, teran fikr bilan qarashi, ulamolarning vazifasi din g‘ami, xalq dardi va yurt taqdiri yo‘lida astoydil xizmat qilish, din peshvosi sifatida, aholi, ayniqsa, yoshlarni to‘g‘ri yo‘lga boshlash, yaxshilikni, halollikni, ilm olishni targ‘ib qilish, odamlar orasini isloh qilib, ularni ahillikka, birdamlikka, oqibatli bo‘lishga undashdan iborat ekanini qayd etdi.
Uchqo‘rg‘on tumanidagi imom-xatib va imom-noiblar o‘zlariga biriktirilgan mahallalar bilan muntazam aloqada bo‘lib, oilalarni tinch-totuv yashashi, farzandlarni bevaqt tirik yetim bo‘lmasligi uchun ajrimlarni oldini olish, keksalarni hurmat qilish, qo‘shnichilik odoblariga rioya qilish kabi jihatlarga alohida e’tibor qaratish ta’kidlandi.
Yig‘ilishdan so‘ng Musoxon domla tumandagi "Qosim qori" jome masjidida namozxonlar bilan ko‘rishib, dildan suhbat qildi. Shuningdek, qurilishi bo‘layotgan “Abdulhamid hoji Abdurahmon o‘g‘li” jome masjidiga tashrif buyurib, namozxonlarga yaratilgan shart-sharoitlar bilan tanishib, aniqlangan kamchiliklarni bartaraf etish topshirig‘ini berdi.
Shuningdek, tumandagi chekka hududda faoliyat yuritayotgan masjid imom-xatibi Rustamov Mahmudxonni xonadonidan xabar olib, yashash sharoitlalari bilan yaqindan tanishib, ularning haqqiga duoi hayrlar qildilar.
O‘zbekiston musulmonlari idorasi
Namangan viloyati vakilligi
Matbuot xizmati
Anjuman qatnashchilari Islom sivilizatsiyasi markaziga sayohat qilishdi
Xabar berganimizdek, 19-20 avgust kunlari Islom sivilizatsiyasi markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani bo‘lib o‘tmoqda.
Bugun, 19 avgust kuni ishtirokchilar kutib olinib, ularning Islom sivilizatsiyasi markaziga sayohati tashkil etildi. Tashrif davomida mehmonlar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdi. Ayniqsa, zamonaviy multimedia loyihalari va tarixiy eksponatlar ularda chuqur taassurot qoldirdi.
Ustozlar Markazda amalga oshirilayotgan keng ko‘lamli ishlar islom ma’rifatini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini e’tirof etishdi.
Shuningdek, ishtirokchilar O‘zbekiston musulmonlari idorasida ham bo‘lishdi. Hazrati Imom majmuasidagi tarixiy qadamjo va obidalarni ziyorat qilishdi.
Oqshomda Islom sivilizatsiyasi markazi binosida ma’rifiy dastur – mapping namoyish qilindi.
Mazkur tadbirlar islom sivilizatsiyasi merosini targ‘ib etish, diniy ta’lim tizimini yanada takomillashtirib, yangi bosqichga olib chiqishda salmoqli hissa bo‘lib qo‘shiladi.
O‘zbekiston musulmonlari idorasi Matbuot xizmati
- «
- »