Malayziyaning islomiy sug‘urtasi – takaful va uni O‘zbekistonda joriy etish muhokama qilindi.
Qayd etilishicha, O‘zbekistonning Kuala-Lumpurdagi elchixonasida Malayziyaning «Strategik Horizon Managemet System» kompaniyasining bosh maslahatchisi Sayful Bahri bin Saroniy va «Abkari Risk management» kompaniyasi direktori Idrus bin Mat Nayan bilan uchrashuv o‘tkazilgan. Bu haqda @uzdiplomat xabar berdi.
Uchrashuvda Sayful Bahri O‘zbekistonda tadbirkorlik subyektlarining islomiy moliyaviy xizmatlarga qiziqishi ortayotganini va islomiy sug‘urtani rivojlantirish uchun salohiyat mavjudligini ta’kidlagan.
Malayziyalik ekspertlar bu tajribani xususiy sug‘urta kompaniyalarida qo‘llashni taklif qilgan. O‘zbekistonda alohida takaful xizmatlarini tashkil qilish rejalashtirilgan.
Malayziya hukumatiga qarashli «Syarikat Takaful Malaysia Bhd.», «Takaful Ikhlas Sdn. Bhd.» va «ETIQA Takaful Bhd.» islomiy sug‘urta kompaniyalarini O‘zbekiston davlat sug‘urta kompaniyalari bilan hamkorlikka jalb qilish masalasini ko‘tarilgan.
Takaful sug‘urtasining oddiy sug‘urtadan farqi unda maxsus sug‘urta jamg‘armasi yaratiladi. Fond ishtirokchilari oldindan kelishilgan tartibda sug‘urta badallarini jamg‘armaga o‘tkazadi. Jamg‘arma o‘z a’zolarining zararini ushbu mablag‘ hisobidan qoplaydi. Yil oxirida sug‘urta ortiqcha mablag‘ning bir qismi keyingi yillarga zaxira sifatida olib qo‘yilishi yoki jamiyat nizomiga asosan ishtirokchilar o‘rtasida taqsimlanishi mumkin.
O‘zbekiston musulmonlari idorasi
Matbuot xizmati
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Alloh taolo aytadi: «Kufr keltirganlarga, to Allohning va’dasi kelgunicha, qilmishlari sababli mudom larzaga soluvchi musibatlar yetar yoki ularning diyorlari yaqiniga tushib turar. Albatta, Alloh va’daga xilof qilmas» (Ra’d surasi, 31 - oyat).
Sharh: «Kufr keltirganlarga, to Allohning va’dasi kelgunicha, qilmishlari sababli mudom larzaga soluvchi musibatlar yetar...».
Ya’ni, Allohning va’dasi - qiyomat kelguncha ularning es-hushini joyiga keltiruvchi musibatlar boshlariga tushib turadi. Bu musibatlar ularning qilgan ishlari tufayli tushadi.
«...yoki ularning diyorlari yaqiniga tushib turar».
Yoki o‘sha mazkur es-hushni joyiga keltiruvchi musibatlar dunyoning boshqa joylariga tushadi. O‘sha kofir va osiy bandalar yashayotgan diyorlarga yaqin joylarga tushadi. Toki ular o‘sha musibatlarni ko‘rib, va’z-nasihat olib, o‘zlariga kelsinlar va iymon keltirsinlar.
«Tafsiri Hilol» kitobidan