Sayt test holatida ishlamoqda!
16 Yanvar, 2025   |   16 Rajab, 1446

Toshkent shahri
Tong
06:23
Quyosh
07:46
Peshin
12:38
Asr
15:39
Shom
17:23
Xufton
18:41
Bismillah
16 Yanvar, 2025, 16 Rajab, 1446
Yangiliklar

Namangan viloyatida imomlar yig‘ilishi bo‘lib o‘tdi

8.10.2024   3763   1 min.
Namangan viloyatida imomlar yig‘ilishi bo‘lib o‘tdi

Kecha, 7 oktyabr kuni Namangan viloyati bosh imom-xatibi Musoxon domla Abbasiddinov boshchiligida viloyat vakilligi xodimlari, shahar va tumanlar bosh imom-xatiblari, shuningdek tajribali imom-xatiblar hamda  "Haj-2024" ziyoratchilaridan iborat tuzilgan ishchi guruhi a’zolari uchun  Namangan shahridagi “Maxdum eshon“ jome masjidida yig‘ilish o‘tkazildi.

Yig‘ilishda ishchi guruh a’zolari hamda mahallalarda ma’naviyat targ‘ibotchisi bo‘lgan hojilar bilan Namangan shahrida amalga oshiriladigan ishlar muhokama qilinib, tavsiya va ko‘rsatmalar berildi. 

Ishchi guruh faoliyatining asosiy yo‘nalishlari sifatida quyidagilar belgilandi:
birinchi yo‘nalish – imom-xatibning “Haj-2024” ziyoratchilarini ma’naviy-ma’rifiy tadbirlarga faol jalb etish; 
ikkinchi yo‘nalish – imom-xatibning masjidni boshqarish faoliyatini yaqindan o‘rganish, maslahat va ko‘mak berish;
uchinchi yo‘nalish – imom-xatib uchun namuna tarzida peshin namozi vaqtida masjidga kelganlarga dolzarb mavzuda ma’ruza qilib berish.

Ishchi guruh a’zolari yuqoridagi yo‘nalishlar bo‘yicha Namangan shahrida faoliyat olib bordi. Imom-xatiblar faoliyati samaradorligini oshirishga qaratilgan Ishchi guruh faoliyati viloyatning boshqa tumanlarida ham o‘tkazilishi rejalashtirilgan.

O‘zbekiston musulmonlari idorasi

Namangan viloyati vakilligining matbuot xizmati

Namangan viloyatida imomlar yig‘ilishi bo‘lib o‘tdi Namangan viloyatida imomlar yig‘ilishi bo‘lib o‘tdi Namangan viloyatida imomlar yig‘ilishi bo‘lib o‘tdi Namangan viloyatida imomlar yig‘ilishi bo‘lib o‘tdi
O'zbekiston yangiliklari
Boshqa maqolalar

Mizob nima?

13.01.2025   3100   1 min.
Mizob nima?

Mizob - Ka’ba tomida o‘rnatilgan, Xatim ustidagi tarnovning nomi.

U Ka’baning Iroq va Suriya burchaklari orasida o‘rnatilgan bo‘lib, yomg‘ir yoqqanda, tom yuvilganda suvni oqizib yuboradi. 1627 yil yomg‘irlar natijasida Ka’ba devorlariga shikast yetadi. Uni qayta tiklash jarayonida tarnov o‘rnatiladi. Rasululloh sollallohu alayhi vasallam tarnov joylashgan tomonda turib duo qilganlar.

1. Dastlab bu kabi tarnov shakli Qurayshliklar Ka’ba ustiga tom o‘rnatishgandan sung paydo bulgan. Ungacha Ka’ba 4 devordan iborat edi.

2. Tarnovning boshlanishiga «Bismillahir Rohmanir Rohiym» va chap tomoniga «Yo Allox» deb yozilgan.

3. Tarnov qushlar qo‘nmasligi uchun utkir tikanlar bilan qoplangan.

4. Dastlab u yog‘och, kumush va po‘latdan qilingan. Tarnovni ilk bor 1573 yili sof oltindan ishlangan.

5. Uzunligi – 2,53 m, kengligi – 26 sm ni tashkil qiladi.

Salaflardan kelgan xabarlarda "Xatimda, mizob ostida duolar mustajobdir", deyilgan.

O‘MI Matbuot xizmati