Mehmet Go‘rmez
Bismillahir Rohmanir Rohiym
Anqaradagi Islom tafakkuri instituti direktori Mehmet Go‘rmez 1959 yilda Turkiyaning Gaziantep viloyati Nizip tumanida tug‘ilgan. Boshlang‘ich ta’limni Nizipda, o‘rta ta’limni Gaziantep Imom Xatib o‘rta maktabida tamomlagan.
1983-1987 yillarda Anqara universitetining ilohiyot fakultetida ta’lim olgan. O‘sha yili “Asosiy Islom fanlari” fakulteti “Hadis” kafedrasida magistraturada o‘qishni boshladi.
1988 yili Turkiya Respublikasi Milliy ta’lim vazirligi tomonidan ajratilgan stipendiya bilan Qohira universitetida bir yil davomida ta’lim va ilmiy izlanishlar olib bordi.
1995 yilda doktorlik dissertatsiyasini “Sunnat va hadislarni tushunish va talqin qilishda metodologiya muammosi” mavzusida himoya qilgan.
1995-1997 yillarda Qozog‘istondagi Ahmad Yassaviy universitetining ilohiyot fakultetida faoliyat yuritgan.
1999 yilda dots.nt ilmiy unvoniga ega bo‘ldi.
2001-2003 yillar davomida Hacettepe universitetida dars berdi.
2003 yil Din ishlari bo‘yicha vitse-prezident etib tayinlandi.
2006 yilda professor unvonini qo‘lga kiritdi.
2010-2017 yillarda Din ishlari bo‘yicha raisi lavozimida faoliyat yuritdi.
Mehmet Go‘rmezning “Hadis ilmining asosiy masalalari”, “Qalb davosi”, “G‘azzoliy asarlarida Sunnat va Hadis hamda ularning sharhlari”, “Sunnat va hadisning haqiqiy qiymati”, “Sunnat va hadislarni tushunish va sharhlashda metodologiya muammosi” va boshqa ko‘plab asarlari nashr etilgan.
Hozirda o‘zi asos solgan Islom tafakkur instituti va Xalqaro Islom tafakkur jamg‘armasi prezidenti sifatida faoliyat olib bormoqda.
O‘zbekiston musulmonlari idorasi
Matbuot xizmati
“Orta Lectura”: O‘zbekiston xavfsiz sayyohlik yo‘nalishi sifatida o‘z mavqeini mustahkamlamoqda
Ispaniyaning “Orta Lectura” nashrida O‘zbekistonda turizm sohasida amalga oshirilayotgan islohotlarga bag‘ishlangan maqola e’lon qilindi, deb xabar bermoqda “Dunyo” AA.
Maqolada qayd etilishicha, so‘nggi yillarda O‘zbekiston turli nufuzli xalqaro reytinglarda hamda xorijiy davlatlarning sayyohlar uchun tavsiyalarida yuqori xavfsizlik darajasiga ega mamlakatlardan biri sifatida e’tirof etilmoqda.
World Justice Project (WJP) tomonidan e’lon qilingan “Rule of Law Index 2025” natijalariga ko‘ra, O‘zbekiston “Tartib va xavfsizlik” ko‘rsatkichi bo‘yicha 143 ta mamlakat orasida 17-o‘rinni, Sharqiy Yevropa va Markaziy Osiyodagi 15 ta mamlakat orasida esa 1-o‘rinni egalladi.
WJP indeksi 215 mingdan ortiq fuqarolar hamda 4 ming 100 nafardan ziyod huquqshunos va ekspertlar o‘rtasida o‘tkazilgan so‘rovnomalarga asoslangani bilan ahamiyatlidir.
“Gallup” kompaniyasining “2025 Global Safety Report” ma’ruzasida ta’kidlanishicha, O‘zbekiston aholisining 86 foizi kechasi yolg‘iz yurganda o‘zini to‘liq xavfsiz his qiladi. Bu ko‘rsatkich dunyo bo‘yicha o‘rtacha 73 foizlik darajadan sezilarli darajada yuqoridir. Shu bilan birga, “Law and Order Index”ning kengroq ko‘rsatkichi bo‘yicha mamlakatimiz 100 dan 91 ball to‘pladi.
Institute for Economics & Peace tomonidan tuziladigan “Global Peace Index 2026” natijalariga ko‘ra, O‘zbekiston o‘z pozitsiyasini 30 pog‘onaga yaxshilab, 163 ta mamlakat orasida 1,726 ko‘rsatkich bilan 37-o‘ringa ko‘tarildi. 2026 yilgi rasmiy hisobotda mamlakatimiz tinchlik ko‘rsatkichlari eng yuqori sur’atda yaxshilangan davlatlar qatoriga kiritildi.
AQSH Davlat departamenti “Travel Advisories” tizimida O‘zbekistonga “Level 1 – Exercise Normal Precautions” darajasini, ya’ni “Odatiy ehtiyot choralariga rioya qilish” tavsiyasini bergan. 2026 yil yanvarda yangilangan tavsiyanomada xavf darajasi oshirilmadi. Bu AQSH Davlat departamenti tomonidan xalqaro sayohatlar uchun belgilanadigan eng past xavf darajasi hisoblanadi.
O‘zbekiston musulmonlari idorasi Matbuot xizmati
