Imomlar o‘rtasida sport musobaqasi yuqori kayfiyatda o‘tdi (Foto+)
Shu yil 10 oktyabr kuni O‘zbekiston musulmonlari idorasining Qashqadaryo viloyati vakilligi tomonidan Qarshi, Dehqonobod tumanlari va Shahrisabz, Qarshi shaharlaridagi jome masjidlarda faoliyat yurituvchi imom-xatib, noib, muazzinlardan iborat jamoalar Vakillik kubogi uchun o‘tkazilgan futbol va voleybol musobaqalarida bellashdi.
Xususan, Qarshi shahri va Qarshi tumani jamoalari futbol, Dehqonobod tumani va Shahrisabz shahri jamoalari esa voleybol musobaqalari bo‘yicha final bahsi o‘tkazilib, g‘oliblar aniqlandi.
Yakuniy natijalarga ko‘ra, futbol musobaqasida 2:1 hisob bilan Qarshi shahar jamoasi g‘oliblikni qo‘lga kiritgan bo‘lsa, voleybol bo‘yicha esa 2:0 hisobida Dehqonobod tumani jamoasi g‘oliblikni qo‘lga kiritdi.
Musobaqalar o‘ta qiziqarli va taassurotlarga boy, ko‘tarinki kayfiyatda o‘tdi.
G‘olib va sovrindorlar Vakillik kubogi, maxsus diplom va qimmatbaho sovrinlar bilan taqdirlandi.
Qashqadaryo viloyati vakilligi
Matbuot xizmati
O‘zbekiston musulmonlari idorasida navbatdagi “Fuqarolar qabuli” bo‘lib o‘tdi
Har haftaning chorshanba kuni O‘zbekiston musulmonlari idorasida an’anaviy tarzda tashkil etiladigan fuqarolar qabuli bu safar ham aholi vakillarining murojaatlarini o‘rganish, muammolarga yechim topishga qaratildi.
Joriy haftadagi qabulda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov poytaxtimizdan hamda yurtimizning turli shahar va tumanlaridan tashrif buyurgan fuqarolarning shaxsiy va jamoaviy masalalari, taklif va mulohazalarini tingladi.
- - Aholi vakillari tomonidan turli masalalar bo‘yicha shar’iy hukmlar, ularning amaliy tatbiqlari yuzasidan savollar berildi;
- - Nikoh, oilaviy munosabatlar, farzand tarbiyasi kabi mavzulardagi murojaatlar ko‘rib chiqildi;
- - Ayrim ehtiyojmand fuqarolar tomonidan tushgan moddiy ko‘mak so‘rovlari tegishli tartibda ko‘rib chiqilishi belgilandi;
- - Sohani yanada rivojlantirish, masjidlarni obod qilish, yoshlar o‘rtasida ilmiy-ma’rifiy targ‘ibotlarni kuchaytirish kabi bir qator konstruktiv takliflar bildirildi.
Qabul yakunida mas’ullarga aniq topshiriqlar berilib, fuqarolar murojaatlarini tezkor va adolatli hal etish bo‘yicha choralar belgilandi. Shu bilan birga, fuqarolar bilan bevosita muloqot qilish, ularning fikrlarini eshitish va islohotlarga jamoatchilikni faol jalb etish borasidagi ishlar doimiy e’tiborda ekani ta’kidlandi.
O‘zbekiston musulmonlari idorasi
Matbuot xizmati