Sayt test holatida ishlamoqda!
10 Yanvar, 2025   |   10 Rajab, 1446

Toshkent shahri
Tong
06:24
Quyosh
07:48
Peshin
12:36
Asr
15:32
Shom
17:16
Xufton
18:35
Bismillah
10 Yanvar, 2025, 10 Rajab, 1446
Yangiliklar

Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda

14.10.2024   2066   1 min.
Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda

 

Xabaringiz bor, joriy yilning 15-16-oktabr kunlari Toshkent va Xiva shaharlarida “Islom – tinchlik va ezgulik dini” nomli xalqaro konferensiya boʻlib oʻtadi. 

O‘zbekiston Respublikasi Prezidenti tashabbusi bilan o‘tkazilayotgan mazkur nufuzli anjumanga dunyoning turli davlatlaridan ishtirok etuvchi islom olamining yetuk ulamolarining mamlakatimizga tashrifi boshlandi.

Ayni paytda O‘zbekiston xalqaro islom akademiyasida Turkiyaning Istanbul shahridagi qoʻlyozmalarni oʻrganishga ixtisoslashgan “Dorul Maxtutot” markazi bosh direktori, doktor Mahmud Misriy bilan Akademiya rahbariyati, professor-o‘qituvchilari, doktorant va talabalari ishtirokida davra suhbati o‘tkazilmoqda.

O'zXIA rektorining rasmiy sahifalarini kuzatib boring!
 

Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda Akademiyada Turkiyaning “Dorul Maxtutot” markazi mudiri Mahmud Misriy bilan uchrashuv o‘tkazilmoqda
O'zbekiston yangiliklari
Boshqa maqolalar

Farzand tarbiyasiga oid 6 oyat

9.01.2025   2504   2 min.
Farzand tarbiyasiga oid 6 oyat

Luqmoni Hakim o‘z o‘g‘illariga qilgan nasihatlari Qur’oni karimda keltiriladi.


Nasihatning eng birinchisi – shikrdan qaytarish.

“Ey, o‘g‘ilcham! Allohga shirk keltirmagin! Chunki shirk ulkan zulmdir” (Luqmon surasi, 13-oyat).

Shirk eng og‘ir zulm, eng qabih jaholat va eng katta gunoh sanaladi.


Nasihatning ikkinchisi – ota-onaning haqqini ado etish.

“Agar ular (ya’ni ota-onang) seni o‘zing bilmagan narsalarni Menga sherik qilishga zo‘rlasalar, u holda ularga itoat etma! Ularga (garchi kofir bo‘lsalarda) dunyoda yaxshi muomalada bo‘lgin” (Luqmon surasi, 15-oyat).

Ota-ona hatto mushrik bo‘lsalar-da, ularga qo‘pol munosabatda bo‘lmaslik talab etiladi.


Nasihatning uchinchisi – Alloh oshkor maxfiy har bir narsa bilib turuvchi Zot.

“Ey, o‘g‘ilcham! Shubha yo‘qki, agar xantal (o‘simligining) urug‘idek (yaxshi yoki yomon amal qilinadigan) bo‘lsa, bas, u (amal) biror xarsang tosh ichida yo osmonlarda yoki yer ostida bo‘lsa, o‘shani ham Alloh keltirur. Zero, Alloh lutfli va ogoh zotdir” (Luqmon surasi, 16-oyat).


Nasihatning to‘rtinchisi – namoz, amri ma’ruf, nahyi munkar va sabr.

“Ey, o‘g‘ilcham! Namozni barkamol ado et, yaxshilikka buyur va yomonlikdan qaytar hamda o‘zingga yetgan (balolar)ga sabr qil!...” (Luqmon surasi, 17-oyat).


Nasihatning beshinchisi – ochiq yuzli, shirin so‘zli, tavoze’li bo‘lish, kibrlanmaslik.

“Odamlarga (kibrlanib) yuzingni burishtirmagin va yerda kerilib yurmagin! Chunki Alloh barcha kibrli, maqtanchoq kimsalarni suymas” (Luqmon surasi, 18-oyat).


Nasihatning oltinchisi – baqir-chaqir qilmaslik.

(Yurganingda) o‘rtahol yurgin va ovozingni past qilgin! Chunki ovozlarning eng yoqimsizi eshaklar ovozidir(Luqmon surasi, 19-oyat).

 

Davron NURMUHAMMAD