Bulg‘or islom akademiyasi doktori Sayful Asriy yurtimizda
Avval xabar berganimizdek, joriy yilning 15-16 oktyabr kunlari Toshkent va Xiva shaharlarida «Islom – tinchlik va ezgulik dini» nomli xalqaro konferensiya bo‘lib o‘tadi.
O‘zbekiston Respublikasi Prezidenti tashabbusi bilan o‘tkazilayotgan nufuzli anjumanda ishtirok etuvchi islom olamining yetuk ulamolarining mamlakatimizga tashrifi boshlandi.
Ayni vaqtda yurtimizda bo‘lib turgan Bulg‘or islom akademiyasi Ilohiyot kafedrasi doktori Sayful Asriy Toshkent islom institutiga tashrif buyurdi.
Mehmon institut tarixi va faoliyati bilan yaqindan tanishib chiqdi. Shuningdek, institut professor-o‘qituvchilari tomonidan nashr etilgan o‘quv qo‘llanmalar, darsliklar va kitoblar namoyish etildi.
Eslatib o‘tamiz, yurtimizda bo‘lib o‘tadigan xalqaro konferensiyada islomshunos olimlar, soha mutaxassislari, ilmiy tadqiqotchilar, yurtimizda ko‘zga ko‘ringan ilm-fan arboblari bilan bir qatorda dunyoning 30 ga yaqin mamlakatidan 80 dan ortiq ulamolar o‘z ma’ruzalari bilan ishtirok etadilar.
https://islom.uz/maqola/22746
Namozda qo‘l ko‘tarish
Namozga kirishda qo‘llar quloq barobarigacha ko‘tarilib, qo‘lning bosh barmog‘i quloqning yumshog‘iga yetkaziladi va "takbiri tahrima" aytib, namozga kiriladi. Qo‘llar ko‘tarilganda kaftning ichki tomoni qiblaga qaratilib, barmoqlar biroz ochilgan holatda bo‘ladi.
Namozga kirishda qo‘llar quloq barobarigacha ko‘tarilishi haqida bir qancha hadislar kelgan:
Voil ibn Hujr roziyalloxu anhu: "Men Nabiy sollallohu alayhi va sallamni namozga kirishda takbir aytib, qo‘llarini ko‘tarib, quloqlari barobariga ko‘targanlarini ko‘rdim", dedilar (Imom Muslim rivoyati).
Anas ibn Molik roziyalloxu anhu rivoyat qilgan hadisda: "Rasululloh sollallohu alayhi va sallam namozga kirishda takbir aytib, so‘ngra ikki qo‘llarini ko‘tarib, bosh barmoqlarini quloqlariga barobar qilar edilar" (Imom Hokim va Imom Doraqutniy rivoyatlari).
Ulamolarimiz: “Hadislarda kelgan "qo‘lni quloq barobariga ko‘tarish”dan maqsad uni quloqqa tekkizishdir, chunki quloqning yumshog‘iga qo‘l tegishi qo‘lning quloq barobariga ko‘tarilganining aniq belgisidir”, deganlar. Bu haqda “Raddul Muhtor”, “Lubob fiy sharhil kitob”, “Fatavoi Qozixon”, “Sharhul Viqoya”, “Majma’ul anhur” shu kabi bir qancha mo‘tabar fiqhiy kitoblarimizda bayon qilingan.
Uychi tuman "Xizirobod" jome masjidi
imom-xatibi Sherzod Rahimov
Manba: t.me/softalimotlar