Muhammad bin Said bin Omir al-Hajriy
– Otamning katta kutubxonasi bo‘lar edi. Ana shu kutubxonada bolaligim otgan. Kutubxonamizdagi kitoblarning eng asosiylari bu – Movarounnahr diyoridan yetishib chiqqan ulamolarning asarlari edi. Aqoid, fiqh, hadis va boshqa sohalardagi manbalarning salmoqli qismi o‘lka olimlariga tegishli bo‘lgan.
Shu bois, xalqimiz mazkur hudud allomalarini yaxshi taniydi, hurmat qiladi. Qolaversa, bugungi konferensiyaga tashrif buyurgan ulamolarning barchasi aynan Movarounnahr o‘lkasidan yetishib chiqqan olimlarning asarlarini oʻqib, voyaga yetgan, ilm sirlarini o‘rgangan.
Muhammad bin Said bin Omir al-Hajriy,
Oʻmon Sultonligi davlat kengashi aʼzosi, Oʻmon Sultonligi Senati Ijtimoiy va madaniyat masalalari boʻyicha qoʻmita raisi
Hamdardlik bildiramiz
O‘zbekiston musulmonlari idorasi jamoasi Toshkent viloyati Yangiyo‘l shahar "Jome" jome masjidi imom noibi Nuriddin domla Hoshimovning padari buzrukvorlari Xolbek ota Hoshimovning vafoti munosabati bilan u kishining yaqinlariga chuqur ta’ziya izhor etadi.
Oxirat safariga kuzatilgan otaxon el koriga yaraydigan, dinu diyonat yo‘lida xizmat qiladigan farzand va nevaralarni o‘stirdilar, chiroyli tarbiya qildilar.
Alloh taolo marhum otaxonning barcha solih amallarini o‘zlariga hamroh aylab, O‘z mag‘firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan Nuriddin domla Hoshimovga, u kishining oila a’zolari, yor-birodarlari, yaqinlariga hamdardlik bildiramiz.
Janoza namozi bugun soat 18:00 da Sirdaryo viloyati Xovos tumani Gulbahor MFY Qayirma qishlog‘ida o‘z xonadonida ado etiladi.
Innaa lillaahi va innaa ilayhi roji’uun.
«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O‘zbekiston musulmonlari idorasi
Muslim.uz
