Xalqaro anjuman Xivada qizg‘in davom etmoqda
Bugun, 16 oktyabr kuni Xiva shahridagi “Farovon KHiva” mehmonxonasida “Islom – ezgulik va tinchlik dini” mavzusidagi xalqaro anjuman davom etmoqda.
Ayni chog‘da Xivada “O‘zbekiston – buyuk sivilizatsiyalar chorrahasi” mavzusidagi 4-sho‘ba o‘z ishini qizg‘in olib bormoqda.
Nufuzli tadbirning ikkinchi kunida Turkiya, Fransiya, Marokash, Qozog‘iston, Qirg‘iziston va O‘zbekistonning din arboblari, muftiylari, taniqli ulamo va ekspertlari mavzu doirasida dolzarb ma’ruzalar bilan ishtirok etmoqda.
Tafsilotlarni kuzatib boring. (https://t.me/+PSOPDevNs2Va-wt7)
O‘zbekiston musulmonlari idorasi Matbuot xizmati
Ma’naviy-ma’rifiy soha fidoyilari taqdirlandi
Vatanimiz mustaqilligining 35 yilligi munosabati bilan Surxondaryo viloyati Qumqo‘rg‘on tumanida diniy-ma’rifiy sohada samarali faoliyat yuritayotgan, jamiyatda sog‘lom ma’naviy muhitni mustahkamlash va yoshlarni yot g‘oyalardan asrash yo‘lida fidokorona mehnat qilayotgan bir guruh soha xodimlari taqdirlandi.
Tadbirda Qumqo‘rg‘on tumani hokimining birinchi o‘rinbosari Z.Eshqobilov ishtirok etib, yig‘ilganlarni qutlug‘ bayram bilan samimiy muborakbod etdi hamda ularning el-yurt osoyishtaligi va ma’naviy-ma’rifiy ishlar samaradorligini oshirishdagi xizmatlarini yuqori baholadi.
Marosimda fidoyi soha xodimlariga tuman hokimligining tashakkurnomalari va bayram esdalik sovg‘alari tantanali ravishda topshirildi.
O‘zbekiston musulmonlari idorasi
Matbuot xizmati
