Uyga kirayotgan kishi kattami, kichikmi, erkakmi, ayolmi salom berib kirishi kerak. Bu haqda Alloh taolo bunday marhamat qiladi: “Uylarga kirgan chog‘ingizda o‘zlaringizga Allohdan bo‘lgan pokiza va muborak tabrik ila salom beringlar” (Nur surasi, 61-oyat).

Anas roziyallohu anhudan rivoyat qilinadi. Rasululloh sollallohu alayhi vasallam: “Qachon ahling huzuriga kirsang, salom bergin, o‘zingga va ahlingga baraka bo‘ladi”, dedilar (Imom Termiziy rivoyati).

Demak, uyingizga qut­baraka, tinchlik­hotirjamlik bo‘lishini istasangiz, uyga kirishda salom berib kirishni unutmang!

Agar uyga kirganda hech kim yo‘q bo‘lsa, u holda quyidagi salom beriladi:

السَّلَامُ عَلَيْنَا وَعَلَى عِبَادِ اللَّهِ الصَّالِحِينَ

“Assalomu a’layna va a’la ibadillahis solihiyn”.

Salomning ma’nosi: “Bizga va Allohning solih bandalariga salom bo‘lsin”.

Assalomu alaykum va rahmatullohi va barakatuhu

Davron NURMUHAMMAD