O‘zbekiston elchisi Kuvayt davlati amiriga ishonch yorliqlarini topshirdi
O‘zbekistonning Kuvaytdagi favqulodda va muxtor elchisi Ayyubxon Yunusov Kuvayt davlati amiri shayx Mishal al-Ahmad al-Jobir as-Sabohga ishonch yorliqlarini topshirdi, deb xabar beradi “Dunyo” axborot agentligi.
Rasmiy marosimdan so‘ng bo‘lib o‘tgan qisqa suhbatda Shayx Mishal al-Ahmad al-Jobir as-Saboh O‘zbekiston Prezidenti Shavkat Mirziyoyev bilan 2023 yil iyul oyida Jidda shahrida “Ko‘rfaz arab davlatlari hamkorlik kengashi – Markaziy Osiyo” strategik muloqotining birinchi sammiti doirasida bo‘lib o‘tgan uchrashuvini iliqlik bilan esladi.
Shuningdek, Quvayt amiri 2025 yilda Samarqand shahrida bo‘lib o‘tadigan Fors ko‘rfazi hamkorlik kengashi – Markaziy Osiyo strategik muloqotining ikkinchi sammitida ishtirok etish uchun O‘zbekistonga taklif etildi.
Ishonch yorliqlarini topshirish marosimi Quvayt ommaviy axborot vositalarida, xususan, yetakchi kundalik “al-Jarida”, “al-Vatan” gazetalarida hamda “KUNA” davlat axborot agentligi saytida keng yoritildi.
Eslatib o‘tamiz, O‘zbekistonning yangi elchisi Ayyubxon Yunusov 6 fevral kuni Quvaytga tashrif buyurdi. Quvaytga tayinlanishidan oldin u Tashqi ishlar vazirligining konsullik-huquqiy boshqarmasi boshlig‘i lavozimida ishlagan.
O‘zbekiston musulmonlari idorasi
Matbuot xizmati
Paxtachi tumanida 60 nafar bola maktab uchun barcha zarur narsalar bilan ta’minlandi
Ularga maktab kiyimlari, poyabzal va ryukzaklar bepul berildi.
Xayriya aksiyasi Toshko‘prik masjidi imomi Doniyor Matlabov tashabbusi bilan o‘tkazildi, xabar bermoqda «Samarkandskiy vestnik» nashri.
Masjid ahli va homiylar ko‘magida 35 ta ehtiyojmand oila farzandlari uchun yangi o‘quv yiliga tayyorgarlik ko‘rish uchun barcha zarur narsalar xarid qilindi. Sovg‘alar maktab o‘quvchilariga topshirildi.
O‘zbekiston musulmonlari idorasi Matbuot xizmati