Turkiyadagi Qur’on musobaqasiga ishtirokchilarni ro‘yxatga olish boshlandi
2017 yildan buyon “Diyonat” tashkiloti va TRT tarmog‘i bilan hamkorlikda o‘tkazib kelinayotgan “Qur’oni karimning eng go‘zal qiroati 2025” tanloviga ro‘yxatdan o‘tish bosqichi boshlandi. Bu haqda “IQNA” sayti “Diyanet Habe”ga tayanib xabar berdi.
Unga ko‘ra, musobaqa faqat erkaklar o‘rtasida o‘tkaziladi va ishtirokchilar 15 yoshdan kichik bo‘lishi lozim. Ushbu musobaqalarda Turkiyadan va undan tashqaridagi Qur’on qorilari ishtirok etishi mumkin va ishtirokchilar yakka tartibda, juftlik yoki guruh bo‘lib ro‘yxatdan o‘tishlari ham mumkin.
Dastlab 2025 yil 15 yanvargacha www.trt1tilavet.com saytida anketa to‘ldiriladi. So‘ng ro‘yxatdan o‘tishni yakunlash uchun ishtirokchilardan so‘ralgan videoni WhatsApp orqali 2 kun ichida yuborishi talab qilinadi.
O‘zbekiston musulmonlari idorasi
Matbuot xizmati
Kim juma kuni "Duxon" surasini o‘qisa
Rasululloh sollallohu alayhi vasallam: «Kim juma kechasi "Ho mim" – "Duxon"ni qiroat qilsa, mag‘firat qilinadi», dedilar.
Rasululloh sollallohu alayhi vasallam aytdilar: «Kim juma kechasi "Ho mim" – "Duxon" surasini o‘qisa, yetmish ming farishta tonggacha uning haqqiga istig‘for aytib chiqadi».
Rasululloh sollallohu alayhi vasallam: «Kim juma kechasi yoki juma kuni "Ho mim" – "Duxon"ni qiroat qilsa, Alloh unga jannatda bir uy bino qiladi», dedilar.